Urkunde Nr. 1536 aus Band III

Seite im UB:

360-361

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1536

Ofen 1405 Juli 4 König Sigmund hebt die zur Burg Leta gehörige Abgabenstelle von Pusztaszentmiklos bei Klausenburg auf.

Von der Kanzlei: Relatio Marci de Neuremberga tricesimarum et urburarum regalium comitis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus per prae- [S. 361] sentes, quod ad nostrae maiestatis et multorum relatione et certissimo experimento devenit auditum, quomodo tributarii et vicetributarii tributi in villa seu possessione Zenthmiklos vocata, in comitatu de Kolos habita exigi consueti¹⁾ et ad castrum Letawar vocatum, in partibus nostris Transsiluanis habitum spectantis tam regnicolis nostris quam extraneis cum mercibus ac aliter regnum nostrum perlustrantibus et ad locum dicti tributi venientibus multa damna in rebus, vexationes et iniurias in personis per calumniarum adinventionem et iniustorum tributorum exactionem diversimode hactenus intulissent et adeo inferre non cessarent de praesenti, quod complures mercatores et alii viatores terrore ipsorum tributariorum affecti et attoniti ad partes nostras Transsiluanas praedictas et praecipue civitatem Koloswar vocatam accedere non auderent et properare, ex quibus tam ipsae Transsiluanae et civitatis Koloswar quam aliae regni nostri Hungariae partes ipsarumque habitatores et incolae et non minus fiscus noster regius gravissima damna, iniurias et detrimenta perpessi exstitissent et ad praesens paterentur. Nolentes itaque incommoditates nostrorum regnicolarum et praecipue fisci nostri defectum exinde provenientes ulterius tollerare, quin immo cupientes saluti nostrae, cui ratione praevia, cum ipsi tributarii non propria sed regia auctoritate suffulti talia facere valeant et exercere, posset in die examinis districti iudices derogare, consulere et huiusmodi hucusque male gestis finem dare salutarem, praefatum tributum ipsiusque exactionem et receptionem motu proprio ex certa scientia et de regiae potestatis plenitudine praelatorumque et baronum ac regni nostri procerum deliberato et maturo ad hoc accedente consilio revocamus, cassamus, annihilamus et penitus abolemus perpetuis futuris temporibus per nos aut successores nostros seu quoscumque alios quavis causa vel ratione nequaquam ulterius erigendum, instituendum, recipiendum et exigendum praesentium nostrarum vigore et testimonio literarum. Quas dum nobis in specie allatae fuerint, in formam nostri privilegii pro eisdem redigi faciemus. Datum Budae, Sabbato proximo post festum visitationis beatae virginis, anno domini millesimo quadringentesimo quinto.

Unter dem Siegel: Relatio Marci de Neuremberga tricesimarum et urburarum regalium comitis.

Auf der Rückseite, von einer Hand des 15. Jahrhunderts:</ku> Cassatio tributi ad sanctum Nicolaum.²⁾

Auf der Rückseite, von einer anderen Hand des 15. Jahrhunderts: habet par.³⁾ [S. 362]


1) Vorlage: consueto.^{^}
2) Zweites Orig. von derselben Hand des 15. Jahrhunderts: Super tributo ad sanctum Nicolaum.^{^}
3) Zweites Orig. von derselben andern Hand des 15. Jahrhunderts: habet par.^{^}