Urkunde Nr. 1498 aus Band III

Seite im UB:

306

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1498

Kronstadt 1403 Dezember 21 Johann Sydenswanch, Richter, und der Rat von Kronstadt bezeugen, dass Johann, Comes von Brenndorf, im Namen seines Mündels Cristannus an den Adligen Benedikt, Sohn Pauls, Besitz in Kreuzburg verkauft hat.

Ne firma rerum gestarum memoria ex oblivione et processu temporis evanescat, acta hominum universa sagaci providentia prudentum literarum charactere roborantur. Nos igitur Johannes Sydenswanch iudex, Nicolaus Kylhaw villicus Brassouyensis ceterorumque iuratorum civium universitas loci eiusdem praesentis paginae publice recognoscentes¹⁾ significamus quibus expedit universis ac quibus nosse fuerit opportunum, quod Johannes filius Jacobi dictus comes de Bryngendorf matura praehabita deliberatione et praemeditato consilio, suorum necnon nepotis sui Cristanni amicorum voluntate et consensu occurrente nomine fidelis tutoris seu procuratoris eiusdem sui nepotis vendidit et sub vera venditionis forma donavit ac libere assignavit quatuor fundos sive domos possessionales et quartam partem unius domus cum universis agris, pratis, aquaeductibus necnon aliis usu fructibus ad ipsas domos pertinentibus, veluti iure hereditario ad ipsum praenotatum parvulum videlicet Cristannum ab antiquo sunt et fuerunt devolutae, in possessione seu villa Nyen situatas nobili viro Benedicto filio Pauli sibi et suis heredibus rite, rationabiliter et libere sine quavis inquietatione et impedimento tamquam propriam hereditatem perpetue, iure hereditario, quiete et pacifice possidendas, fruendas pariter et habendas, sicut Cristannus saepe narratus et sui progenitores possiderunt et hucusque tenuerunt. In cuius rei testimonium et evidentiam firmiorem praesentes nostri pendentis sigilli munimine sunt roboratae. Datum in loco praefato, sub anno incarnationis domini M^mo quadringentesimo tertio, in festo beati Thomae apostoli.


1) Scilicet: per praesentera paginam publice recognoscentes.^{^}