Urkunde Nr. 1477 aus Band III

Seite im UB:

283-284 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1477

Weissenburg 1402 November 5 Stephan, Bischof von Siebenbürgen, schenkt an den Heiligenkreuzaltar der Kathedralkirche zu Weissenburg eine Vinea, bestätigt für den genannten Altar den Besitz einer Hofstelle und befreit diese Hofstelle von allen Abgaben und Leistungen.

Sthephanus dei et apostolicae sedis gratia episcopus Transsiluanus omnibus Christi fidelibus praesentibus et futuris, praesens scriptum inspecturis salutem in salutis largitore. Paternae benignitatis mansuetudo tunc stateram sui officii recto tramite dignoscitur gubernare, cum ecclesiarum sibi subditarum commodis et utilitatibus moderata dispositione sollicite³⁾ studet vigilare, tunc etenim ministri altaris dominici dulcia concinunt dragmatis cantica et divinae trinitatis essentiae pacificas pro peccaminibus populorum auferunt hostias, cum eorum status per praelati praesidentis providentiam pro moderamine confovetur. Proinde ad universorum notitiam harum serie volumus pervenire, quod nos ob spem et devotionem, quam in vivifica cruce [S. 284] salvatoris nostri specialiter gerimus, volentes et ex animo desiderantes altare ad honorem et laudem eiusdem sanctae crucis in gremio ecclesiae nostrae cathedralis fundatum¹⁾ in suo statu decorare et aliquantisper sublevare, ut eo magis et ferventius rector eiusdem pro tempore constitutus in ecclesia nostra deo iugiter possit famulari et deum suis precibus placare, quandam vineam nostram intra metas civitatis nostrae Albensis in monte Elewmal ex parte meridiei inter vineam cuiusdam Benedicti filii Barcha, ex parte vero septentrionali inter vineam Johannis fratris eiusdem Benedicti carnalis contigue adiacentem, per mortem quondam honorabilis viri domini Leonis archidiaconi Albensis et canonici ecclesiae nostrae ante dictae, piae menioriae, ad manus nostras legitime et ex causis rationabilibus devolutam eidem altari sanctae crucis in ecclesia nostra fundato²⁾ et rectori eiusdem pro tempore constituto et constituendo ob remedium animae nostrae ad honorem dei omnipotentis et eiusdem sanctae crucis, consilio et consensu fratrum nostrorum dominorum de capitulo ad id accedente, perpetuo et irrevocabiliter duximus conferendam et conferimus vigore praesentium mediante, nil iuris vel proprietatis nobis vel successoribus nostris in eadem vinea reservando. Praeterea curiam seu fundum³⁾ curiae prope claustrum beati Stephani a parte orientis immediate adiacentem, dudum per reverendum in Christo patrem dominum Emericum episcopum antecessorem nostrum felicis recordationis pretio comparatam et eidem altari sanctae crucis ac rectori eiusdem pro tempore constituto per eundem dominum Emericum datam et donatam denuo et de novo eidem altari et rectori eiusdem dantes et conferentes ac donationem dicti domini Emerici episcopi confirmantes ipsam curiam seu fundum³⁾ ac rectorem dicti altaris sanctae crucis pro tempore constitutum et constituendum ab omni onere solutionis censuum, collectarum seu exhibitionis servitiorum nobis et successoribus nostris ex parte civitatis nostrae Albensis fieri et quomodolibet persolvi debendorum de pietate paterna et gratia speciali, ut eo ferventius et quietius rector eiusdem altaris divinis officiis et servitiis ecclesiae nostrae assistere valeat, perpetuis temporibus exonerantes eximimus et praesentium vigore absolvimus. Mandantes et firmiter iniungentes officialibus nostris necnon iudici ac senioribus iuratis et quibuslibet civibus civitatis nostrae Albensis, quatenus a modo et deinceps memoratum rectorem ratione praemissorum contra formam praesentis gratiae nostrae in nullo molestare, inquietare seu quovismodo perturbare praesumant, quin ipsum praemissis libertatibus et gratiis per nos modo praemisso indultis quietum et tranquillum uti permittant. In cuius rei testimonium praesentes literas nostras appressione⁴⁾ sigilli nostri anularis propter carentiam sigilli nostri maioris communitas duximus concedendas. Datum Albae, in festo beati Emerici ducis et confessoris, anno domini millesimo quadringentesimo secundo. [S. 285]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 283 (1-2 zu voranstehender Urkunde), 1-4 auf S. 284.^{^}
[S. 283]
1) So Vorlage.^{^}
2) Vorlage: quadringentesim.^{^}
3) Vorlage: solicita.^{^}
[S. 284]
1) Vorlage: fondatum.^{^}
2) Vorlage: fondato.^{^}
3) Vorlage: fondum. [2x]^{^}
4) So Vorlage.^{^}