Urkunde Nr. 1454 aus Band III

Seite im UB:

261-262 ^a)

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1454

Rom bei St. Peter [1400] Dezember 10 Papst Bonifaz IX. verleiht der Michaelskirche in Klausenburg einen Ablassbrief.

Bonifacius³⁾ episcopus servus servorum dei universis Christi fidelibus praesentes literas inspecturis salutem et apostolicam benedictionem. Licet is de cuius munere venit, ut sibi a suis fidelibus digne et laudabiliter serviatur, de abundantia suae pietatis, quae merita supplicum excedit et [S. 262] vota, sibi bene servientibus multo maiora retribuat quam valeant promereri, nihilominus tamen desiderantes domino populum reddere acceptabilem et bonorum operum sectatorem, fideles ipsos ad complacendum ei quasi quibusdam allectando¹⁾ muneribus indulgentiis videlicet et remissionibus invitamus, ut exinde reddantur divinae gratiae aptiores. Cupientes igitur ut ecclesia sancti Michaelis archangeli in oppido Caluswar Transiluanensis diocesis congruis honoribus frequentetur et etiam conservetur, et ut Christi fideles eo libentius causa devotionis confluant ad eandem et ad conservationem huiusmodi manus promptius porrigant adiutrices, quo ex hoc ibidem dono caelestis gratiae uberius conspexerint se refectos, de omnipotentis dei misericordia et beatorum Petri et Pauli apustolorum eius²⁾ auctoritate confisi omnibus vere poenitentibus et confessis, qui in nativitatis, circumcisionis epiphaniae, resurrectionis, ascensionis et corporis domini nostri Jhesu Christi ac Pentecostes, necnon in nativitatis, annunciationis, purificationis et assumptionis beatae Mariae virginis, et nativitatis beati Johannis baptistae et dictorum apostolorum Petri et Pauli et eiusdem ecclesiae dedicationis necnon sancti Michaelis praedicti festivitatibus et celebritate omnium sanctorum, necnon per ipsarum nativitatis, epiphaniae, resurrectionis, ascensionis et corporis domini ac nativitatis et assumptionis beatae Mariae ac nativitatis beati Johannis et apostolorum Petri et Pauli praedictorum festivitatum octavas et per sex dies dictam festivitatem Pentecostes immediate sequentes visitaverint annuatim et ad conservationem huiusmodi manus porrexerint adiutrices singulis videlicet festivitatum et celebritatis septem annos et totidem quadragenas octavarum vero et sex dierum praedictorum diebus, quibus ecclesiam ipsam visitaverint et manus adiutrices porrexerint ut praefertur, centum dies de iniunctis eis poenitentiis misericorditer relaxamus. Datum Romae apud sanctum Petrum, IIII Idus Decembris, pontificatus nostri anno duodecimo.

Jo de Bononia.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 261 (1-2 zu voranstehender Urkunde Nr. »1452), 1-2 auf S. 262 (dortige 3 zu nachfolgender Urkunde).^{^}
[S. 261]
3) Verlängerte Schrift in der Vorlage.^{^}
[S. 262]
1) Vorlage: allectans.^{^}
2) Vorlage: cuius.^{^}