Urkunde Nr. 1446 aus Band III

Seite im UB:

248-249 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 18.

Druckvorlage:

nach Original

Abdruck als:

Volltext

Sprache:

Latein

---

1446

Gran 1400 Februar 1 Matheus, Vikar des Graner Erzbischofs, verleiht Franciscus, dem Dekan von Kronstadt und Pfarrer von Marienburg, Vollmacht, betreffend die Sacri liquores Chrisma und Öl, betreffend ferner die Beichte und Busse und die Dimissorien für zu ordinierende Geistliche.

Matheus de Vicedominis de Placencia praepositus ecclesiae sancti Anthonini de eadem utriusque iuris doctor canonicusque Strigoniensis, reverendissimi in Christo patris et domini, domini Johannis dei et apostolicae sedis gratia archiepiscopi Strigoniensis locique eiusdem comitis perpetui ac primatis et dictae sedis apostolicae legati nati et cetera vicarius in spiritualibus et generalis causarum auditor dilecto nobis in Christo honorabili et egregio viro domino Francisco in decretis baccalaureo¹⁾ decano Brasouiensi²⁾ ac plebano in castro Mariae spiritualis iurisdictionis Strigoniensis³⁾ salutem in eo, qui est omnium fidelium suorum vera salus. Cum vos propter loci magnam distantiam ac viarum pericula pro sacris liquoribus videlicet chrismate et oleo sancto ecclesiasticis sacramentis vobis et ceteris christicolis in et sub dicto vestro decanatu degentibus necessariis hominesque utriusque sexus in et sub eodem decanatu vestro existentes pro debitis confessione et absolutione habendis in casibus episcopalibus huic sanctae sedi Strigoniensi a canone sive per synodales constitutiones specialiter reservatis, ac ad ecclesiasticos ordines promoveri desiderantes pro recipiendis ipsis ordinibus, prout vestri ex parte nobis exponitur, ad dictam hanc sedem Strigoniensem accedere non possitis nec poss[int,] nobis humiliter supplicari fecistis, ut de et super praemissis vobis et vestris praedictis de remedio providere dignaremur opportuno. Et quia ad ea quae salutem concernunt animarum favorabiliter inclinari et intendere debemus vestrisque iustis in hac parte petitionibus benigne annuentes vobis pro dictis sacramentis petendis et recipiendis ad quemcumque malueritis catholicum episcopum vobis proximiorem,⁴⁾ gratiam et communionem dictae apostolicae sedis habentem pium recursum habendi et ipsa sacramenta ab eodem recipiendi et ipsis receptis ceteris dicti vestri decanatus parochialium ecclesiarum plebanis eadem sacraenta distribuendi ac generaliter utriusque sexus homines sub ante dicto vestro decanatu constitutos et existentes in casibus etiam praefato domino nostro domino . .⁵⁾ archiepiscopo et huic sanctae sedi generaliter a canone [S. 249] vel per synodales constitutiones specialiter reservatis per vos vel alios ad id per vos specialiter deputatos absolvendi ac poenitentias salutares ipsis confitentibus pro modo culpae imponendi¹⁾ necnon quibuscumque in districtu praedicti vestri decanatus existentibus cupientibusque ad aliquos ecclesiasticos ordines promoveri, ut a quocumque antistite catholico ut praefertur dictae apostolicae sedis communionem et gratiam habente voluerint, dummodo ad id examinatione praehabita idonei reperti fuerint aliudque canonicum super hoc ipsis non obsistat, super quibus vestram et ordinantis²⁾ conscientiam oneramus,³⁾ ad omnes ecclesiasticos ordines etiam usque ad presbyteratus ordinem inclusive possint et valeant debitis statutis a iure temporibus promoveri et ipsos ordines licite recipere, auctoritatem et licentiam ac dimissorias literas ipsis dandi tenore praesentium auctoritate dicti nostri vicariatus officii in absentia praedicti domini nostri domini . .⁴⁾ archiepiscopi in remotis agentis vobis duximus concedendum⁵⁾ et concedimus per praesentes, secundum quod alias per hanc sedem super praemissis vobis et praedictis concedi consuevit, nisi ipsi casus poenitentiales essent adeo graves et enormes, super quibus merito videretur et esset haec dicta sancta sedes Strigoniensis consulenda, super quibus ac debitis poenitentiis ipsis absolvendis iniungendis vestras et aliorum plebanorum in dicto vestro decanatu existentium, ad ipsas confessiones audiendas et absolutiones, quoad certos casus, reservatas⁶⁾ et⁶⁾ impendendas per vos deputandorum conscientias oneramus. Super quibus omnibus praesentes nostras literas nostri maioris sigilli impressione munitas vobis duximus concedendas usque ad sanctam synodum in proximo in dicta ecclesia Strigoniensi celebraturam et per vos visitari consuetam et non ultra valituras.⁷⁾ Datum Strigonii, die dominica prima mensis Februarii, anno dominicae nativitatis millesimo quadringentesimo, indictione octava, pontificatus vero sanctissimi in Christo patris et domini nostri domini Bonifacii divina providentia papae noni, anno undecimo.

Vom Schreiber der Urkunde: Per me Martinum notarium.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 248, 1-7 auf S. 249.^{^}
[S. 248]
1) Vorlage: baccalario.^{^}
2) Vorlage: Barsouiensi.^{^}
3) Hierauf zwei Punkte. Diese Punkte stehen am Ende der Zeile und sind wohl nur zum Ausfüllen der Zeile bestimmt.^{^}
4) Vorlage: proximiorum.^{^}
5) Johannes.^{^}
[S. 249]
1) Hierauf: Zusatz, nachgetragen vom Schreiber der Urkunde, am untern Rande links, in zwei etwa 9 Centimeter breiten Zeilen. - Dieser Zusatz ist durch Risse am Rande fast ganz zerstört. Von der ersten Zeile sind noch die Worte erhalten: presbyterum in confessorem eligendi, qui in casibus.^{^}
2) Vorlage: ordinant [Abkürzungssstrich über nt].^{^}
3) Hierauf: ut.^{^}
4) Johannes.^{^}
5) Vorlage: concedendas.^{^}
6) So Vorlage. [2x]^{^}
7) Über der Zeile nachgetragen.^{^}