Urkunde Nr. 1410 aus Band III

Seite im UB:

210-212

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 29.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1410

Kronstadt 1398 Januar 9 König Sigmund beauftragt das Weissenburger Kapitel bei der Einführung Thomas', des Plebans von Kronstadt, und Genossen in den Besitz von Zernescht mitzuwirken.

[S. 211] Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fidelibus suis capitulo ecclesiae Albensis partium nostrarum Transsiluanarum salutem et gratiam. Licet requirente consuetudine¹⁾ lege¹⁾ regni nostri tales possessiones, quas regia confert maiestas regni sui nobilibus, in casu quo talis, cui eaedem possessiones donantur, in dominium earundem se legitime statui facere infra tempus consuetum neglexerit,²⁾ vice versa in ius regale exstiterint devolutae, tamen quia fideles nostri dilecti discretus vir dominus Thomas plebanus ecclesiae Brassouiensis ac Jacobus, Johannes et Cristianus filii quondam Mathiae necnon Anthonius filius Michaelis de sancta Agatha et Nicolaus filius Herbordi comes de Fekethehalm ad quandam possessionem nostram Zerne vocatam, in districtu Brassouiensi situatam, ad castrum nostrum Terch vocatum pertinentem, ab eodem sequestrando alias titulo novae nostrae donationis ipsis pro fidelibus et gratuitis servitiis per ipsos nostrae maiestati exhibitis et impensis collatam et mediantibus aliis literis nostris exinde vigorose confectis perenniter donatam infra tempus ad id aptum asserunt se ipsos a quadam negligentia minime statui fecisse, propter quod eadem³⁾ possessio ad nostras e converso videretur manus devenisse, volentes tamen nos ex meritis servitiorum dictorum domini Thomae plebani, Jacobi, Johannis et Cristiani, Anthonii et Nicolai donationem nostram exinde ipsis factam in vigoribus conservare ipsamque possessionem nostram Zerna eisdem, non obstante⁴⁾ exspiratione termini statutionis ante fatae, iuxta formam donationis nostrae pristinae eo modo et tali conditione interiecta, ut ipsi dicto castro nostro Terch circa festum sancti Georgii quinque florenos auri et circa festum sancti Michaelis archangeli totidem quinque florenos auri singulis annis administrare et persolvere temporibus perpetuis sint obligati, statui facere intendentes, mandamus igitur vostrae fidelitati firmiter per praesentes, quatenus vestrum mittatis hominem pro testimonio fide dignum, quo praesente Nicolaus filius Gothardi aut Nicolaus plebanus de Roznow an Nicolaus filius Tyl de Prasmar aliis ahsentibus homo noster ad faciem praefatae possessionis Zerna vicinis et commetaneis suis universis inibi legitime convocatis et praesentibus accedendo introducat praefatos Thomam plebanum cum fratribus suis praedictis videlicet Jacobo, Johanne et Cristiano filiis quondam Mathiae ad tertiam partem iam dictae possessionis, ad aliam vero tertiam partem praefatum Anthonium, ad reliquam autem similiter tertiam partem aequalem memoratum Nicolaum iuxta series et continentias praedictarum aliarum literarum nostrarum donationalium, exinde alias ipsis emanatarum in dominium praelibatae possessionis Zerna statuatque ipsam eisdem sub praemisso nostrae novae donationis titulo perpetuo possidendam, si non fuerit contradictum. Contradictores vero si qui fuerint, citet ipsos contra eosdem Thomam plebanum, Jacobum, Johannem et Cristianum, Anthonium et Nicolaum in praesentiam vaivodae nostri Transsiluanensis [S. 212] ad terminum competentem rationem contradictionis eorum reddituros. Et post haec ipsius possessionariae introductionis et statutionis seriem cum nominibus contradictorum et citatorum si qui fuerint terminoqne assignato eidem vaivodae nostro more solito rescribatis. Datum Brassouiae, feria quarta proxima post festum epiphaniarum domini, anno eiusdem millesimo CCC^mo nonagesimo octavo.


1) So Vorlage [2x].^{^}
2) Vorlage: neglexerint.^{^}
3) Vorlage: eedem.^{^}
4) Vorlage: obstantibus.^{^}