Urkunde Nr. 1404 aus Band III

Seite im UB:

192-193 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1404

Kronstadt 1397 Dezember 26 König Sigmund beglaubigt für Cristianus, den Villicus von Weidenbach, und Genossen die Urkunde des Königs Ludwig I. von 1362 Nr. »792 sammt der Neubesiegelungs- [S. 193] klausel von 1364 Nr. »808, betreffend die dem Dekan Nikolaus und seinem Bruder Rudolf von Neustadt verliehenen Rechte und Mühleneinkünfte.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendamus tenore praesentium significantes quibus expedit universis, quod Cristianus villicus de Wydymboh in sua ac providae dominae Margareta vocatae filiae Rodolfi filii Nicolai de Kereztyenfalwa consortis suae necnon Cristiani et alterius Cristiani ac Johannis filiorum suorum ab eadem domina sibi legitime procreatorum personis ad nostrae serenitatis accedens conspectum exhibuit nobis quasdam literas privilegiales quondam serenissimi principis felicis reminiscentiae domini Lodouici regis patris et soceri nostri carissimi super certis libertatibus ipsorum et gratuitis donationibus per annotatum dominum Lodouicum regem olim Rodolfo praedicto gratiose factis et concessis sub maioribus sigillis suis uno¹⁾ in terra Vzuriae subtracto, alio²⁾ vero immediate post deperditionem eiusdem sculpto emanatas, supplicans idem nominibus et personis quibus supra nostro culmini humiliter et devote, ut easdem literas dicti domini Lodouici regis literis nostris patentibus de verbo ad verbum transcribi et transsumi facere dignaremur. Quarum tenor talis est. (Folgt die Urkunde des Königs Ludwig I. von 1362 Nr.»792.) In spatio autem eiusdem privilegii inferius penes appensionem eorundem sigillorum conscriptum habebatur seriose. (Folgt die Neubesiegelungsklausel des Königs Ludwig I. von 1364 Nr. »808.) Nos igitur iustis et iuri consonis supplicationibus praefati Cristiani sua et dictorum filiorum suorum personis nostrae humillime porrectis maiestati regia benignitate et largiflua solita clementia inclinati praefatas literas dicti quondam domini Lodouici regis patris et soceri nostri carissimi omni prorsus suspicionis vitio carentes literis nostris praesentibus de verbo ad verbum sine diminutione et augmento eidem Cristiano et suis filiis praedictis insertas duximus easdem concedendas uberiorem ad cautelam. Datum Brassouiae, in festo beati Stephani protomartyris, anno domini millesimo CCC^mo nonagesimo septimo.


a) Seitenumbruch im Kopfregest.^{^}

1) Vorlage: una.^{^}
2) Vorlage: alia.^{^}