Urkunde Nr. 1403 aus Band III

Seite im UB:

191-192

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1403

Kronstadt 1397 Dezember 21 König Sigmund verfügt, dass die Klausenburger nur bei dem Rat von Klausenburg eingeklagt werden dürfen, und dass die Weiterklage nach Bistritz beziehungsweise nach Hermannstadt zu richten ist.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera notum facimus universis praesentes inspecturis, quod Herman iudex ac Andreas dictus Kapplan iuratus civis noster de Coloswar in ipsorum necnon universorum civium et [S. 192] hospitum nostrorum de eadem personis ad nostrae serenitatis accedentes¹⁾ conspectum nostrae querulose propalando detexerunt maiestati, quomodo plerique forent ex ipsis, qui per nonnullos regnicolas nostros minime prius requisita et postulata iustitia in praesentia iudicis et iuratorum civium dictae civitatis nostrae de Coloswar, ut moris est et eorum libertas ab antiquo approbata requirit, in praesentiam regni nostri palatini et iudicis curiae nostrae in causam attraherentur et indefesse citarentur et evocarentur, in qua causa plurimum in rebus et personis damnificarentur et condemnarentur in praeiudicium libertatis ipsorum et derogamen dictae civitatis nostrae valde magnum, supplicantes nostro culmini in ipsorum necnon nominibus quibus supra personis humili precum cum instantia, ut super his eisdem de remedio dignaremur providere opportuno. Unde nos de innata nostrae regalis potestatis clementia et gratia speciali eisdem annuimus et gratiose concessimus, ut ipsos cives et hospites nostros nullus omnino regnicolarum nostrorum in causis quibusvis et causarum articulis in praesentiam regni nostri palatini et iudicis curiae nostrae praedictorum in causam attrahere et citare et quovis modo evocare valeat atque possit, sed si qui quidquam actionis vel quaestionis contra et adversus memoratos cives et hospites nostros vel quempiam eorum haberent vel habuerint, hi id in praesentia iudicis et iuratorum civium dictae civitatis nostrae de Coloswar legitime prosequi debeant super eosdem. Ubi si quispiam in ipsorum iudicio et iudicata suspicaretur vel ipsi in reddenda iustitia cuipiam tepidi forent et remissi, ex tunc ille in praesentiam iudicis, iuratorum et universorum civium civitatis nostrae Bystrichyensis appellando, in casu vero quo super iudicio et iudicata eorundem iudicis, iuratorum et civium nostrorum de dicta Bystrichya contentare nullet²⁾ quispiam regnicolarum nostrorum praedictorum, ex tunc deliberationi et discussioni iudicis, iuratorum et universorum civium nostrorum de Scibinio legitime et absque omni gravamine deducere debeat et teneatur, ubi idem iudex dictae civitatis nostrae Scibiniensis una cum iuratis ac aliis civibus nostris unicuique iuxta libertatem dictae civitatis nostrae iudicium et iustitiam ac finem decisivum³⁾ facere debeat et teneatur harum nostrarum testimonio literarum. Quas, dum nobis in specie reportatae fuerint, in formam nostri privilegii redigi faciemus pro eisdem. Datum Brassouiae, in festo beati Thomae apostoli, anno domini millesimo trecentesimo nonagesimo septimo.


1) So Grosswardeiner Kapitel 1402. - Vorlage: accedens.^{^}
2) Vorlage: nollent.^{^}
3) So Grosswardeiner Kapitel 1402. - Vorlage: decisum.^{^}