Urkunde Nr. 1401 aus Band III

Seite im UB:

187-190 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 72.

Druckvorlage:

nach Original

Abdruck als:

Volltext

Sprache:

Latein

---

1401

Hermannstadt 1397 Dezember 4 König Sigmund verbietet die an den königlichen und sonstigen Abgabenstellen gegen die Hermannstädter verübten Ungerechtigkeiten, betreffend die Einhebung von Strafgeld, die Wegnahme der Waren, die Besteuerung der Reisenden, des Reisegepäcks, der Lebensmittel, der Gold- und Silbervorräte und des Geldes, sowie der Geschenke für den König und die Königin.

Von der Kanzlei: Commissio propria ad contenta literarum regalium.

Sigismundus dei gratia rex Hungariae, Dalmaciae, Croaciae et cetera¹⁾ marchioque Brandemburgensis et cetera omnibus Christi fidelibus tam praesentibus quam futuris praesentium notitiam habituris salutem in omnium salvatore. Regiae dignitatis praefulgentius attollitur decor et ornatus, si eadem suorum subditorum fidelium commodis et utilitatibus invigilans providebit erroneas novitates abolendo, ut exinde ipsa glorietur iidemque numero et fidelitate augeantur. Proinde ad universorum notitiam volumus pervenire, quod fideles nostri iudex, iurati consules seniores et universi cives Scibinienses in nostrae celsitudinis conspectum venientes nostrae dolorose significarunt rnaiestati, quod cum ipsi aut aliqui ex eisdem²⁾ ad³⁾ provincias aut aliqua regni climata in acquisitione suorum victuum necessariorum proficiscerentur, sicut per nonnullos nostros sic non minus aliorum tributarios seu teoloneatores⁴⁾ varias iniurias violentasque rerum et bonorum ablationes ac illicitas suarum personarum dehonestationes quibusdam sinistris novitatibus per ipsos tributarios diversimode introductis creberrime et incompassiona- [S. 188] biliter¹⁾ paterentur in eo primarie, quod cum ipsi fideles cives aut hospites nostri aut aliqui ex eisdem simul ut puta vel sigillatim ad loca dictorum tributorum pervenientes equum vel equos ipsorum ad columnam seu statuam signum tributariae solutionis decernentem vel ad parietem seu domum tributariam contingenter alligaverint, ex tunc tributarii super eos quadraginta denarios, aut si etiam iidem cives vel²⁾ hospites nostri vel aliqui ex ipsis armis eorum necessariis more solito muniti in domum et praesentiam ipsorum tributariorum praetextu solutionis tributi intrantes accesserint dicta arma eorum foris non relinquendo, similiter quadraginta denarios super eos exigerent et extorquerent. Vel si etiam iidem cives et hospites nostri vel aliqui ex ipsis cum eorum curribus et rebus mercimonialibus ad loca dictorum tributorum pervenerint,³⁾ et equi eorum ipsos currus trahentes eandem statuam seu columnam sive domum tributariam aliquantulum pertransierint et aliquantisper post tergum reliquerint,⁴⁾ aut si ipsi cum dictis eorum curribus et rebus in⁵⁾ hospitio⁵⁾ descenderint et de eodem hospitio ad dictos tributarios accesserint iustum et verum tributum persoluturi, vel si aliqui ex eisdem civibus nostris cum dictis eorum rebus mercimonialibus ad loca dictorum tributorum pergentes certum hominem ipsorum a campo propter celeriorem expeditionem praemissae tributariae solutionis antemitterent et de ipsis eorum rebus iustum tributum persolvi faciendo in ipsisque locis dictorum tributorum non pausando pertransierint, praefati tributarii illico calumuia eis imposita asserentes, ipsos cum eorum rebus de locis dictorum tributorum fugitive, clandestine recessisse,⁶⁾ ipsos rebus eorum praemissis prorsus spoliarent, damnificarent et creberrime disturbarent. Cumque etiam praefati cives et⁷⁾ hospites nostri aut nuncii seu ambassiatores eorum aliqui ad nostram vel reginalem maiestates⁸⁾ in factis et in necessitatibus ipsorum venire voluerint, aut cum curribus lectisternia et victualium ipsorum necessaria deferentibus vel sine curribus et absque rerum mercimonialium delationibus solum super equis ad partes regni nostri profecti aliqua eorum facta et certa negotia prosecuturi exstiterint, ex tunc praefati tributarii super ipsos et a curribus eorum et equis nocnon clenodiis seu muneribus nostrae et⁹⁾ reginali maiestatibus1⁰⁾ per ipsos portandis et exhibendis necnon pecunia, auro et argento ipsorum hinc inde intra ambitum regni nostri ad eorum negotiationes necessario per eos deferendis tributariam exactionem peterent, reciperent indefesse et extorquerent in ipsorum ingens detrimentum non modicum et iacturam, deprecantes¹¹⁾ super his per nostram [S. 189] maiestatem¹⁾ condignum et opportunum remedium gratiose ipsis elargiri. Nos igitur officio²⁾ nostri regii regiminis incumbente attendentes divinae providentiam³⁾ maiestatis, quae⁴⁾ cuncta perpetua ratione regit et gubernat, principatus et dominationes in orbe terrarum ad hoc produxisse, ut sinistras novitates per quempiam suis fidelibus incolis quoquomodo inflictas penitus evulsas habeat et relegatas nationesque sibi subiectas in viam pacis et iustitiae, quae summa virtus⁵⁾ est, dirigat et pacifice custodiat, pro eo nos⁶⁾ commodis, utilitatibus dictorum civium et hospitum nostrorum ac heredum et posteritatum eorum invigilare cupientes praefatas omnes erroneas novitates et abusivas ac damnabiles consuetudines in dicti tributi receptione per ipsos tributarios,⁷⁾ ut est antelatum, introductas una cum praelatis et baronibus nostris annullamus,⁸⁾ cassamus et in irritum perpetue revocamus, mandantes et nostro firmissimo⁹⁾ regio edicto praecipientes universis praelatis, baronibus, comitibus, castellanis, nobilibus et eorum officialibus tributa tam in terris quam super aquis ubilibet intra ambitum regni nostri tenentibus et habentibus nostrisque et eorum tributariis praesentibus pariter et futuris, praesentium notitiam habituris, quatenus a modo in antea super dictos cives et hospites nostros de Cybinio,¹⁰⁾ pro¹¹⁾ eo¹¹⁾ ut iidem equum vel equos ipsorum ad praefatam columnam, parietem vel domum tributariam contingenter allegaverint, et ex eo, ut ipsi aut aliqui ex ipsis praemissis eorum armis muniti in eorundem tributariorum domum et praesentiam accesserint, praefatos singulos quadraginta denarios dicti tributarii recipere non praesumant, et etiam ut ipsi aut aliqui pro eo, ut cives nostri et hospites cum curribus et rebus ipsorum ad loca dictorum tributorum dum pervenerint et equi ipsorum dictos currus trahentes, eandem columnam vel domum tributariam aliquantisper pertranseuntes¹²⁾ post tergum reliquerint,¹³⁾ ac etiam ex eo, ut ipsi cum dictis eorum curribus et rebus in hospitio descenderint et deinde ad solvendum tributum ad dictos tributarios accesserint tributum persoluturi, pro eo etiam, ut si aliqui¹⁴⁾ ex¹¹⁾ eisdem civibus nostris cum dictis rebus ipsorum mercimonialibus ad loca tributorum pergentes a campo dictum hominem ipsorum ad solvendum tributum antemitterent et de ipsis rebus ipsorum iustum tributum persolvi faciendo, in locis dictorum tributorum non pausando pertransierint, iam dicti tributarii praefatos fideles nostros [S. 190] cives praemissis eorum rebus et bonis spoliare aut damnificare ipsos seu disturbare nullatenus valeant neque possint, nec ab ipsis ad nostram vel reginalem maiestates venientibus aut ad¹⁾ aliquas regni nostri partes sine rebus mercimonialibus equitantibus et eorum curribus dicta eorum lectisternia seu victualium genera continentibus necnon auro ac²⁾ argento 5 ac²⁾ pecunia eorum praetextu ut praemisimus negotiationis ipsorum intra ambitum regni nostri hunc vel hanc per eos portandis, muneribus nostrae vel reginali maiestatibus per eos deferendis iuxta nostrae maiestatis decretum temporibus in perpetuis illibate duraturum tributariam exactionem memorati tributarii petere vel exigere non debeant neque valeant modo aliquali, sed eos ac ipsorum successores iuxta praemissum maiestatis nostrae³⁾ decretum et statutum temporibus semper in perpetuis quietos sinant pertransire de locis dictorum tributorum et pacificos novitate et⁴⁾ impedimento absque omni, harum nostrarum testimonio literarum. Datum Scibinii,⁵⁾ in festo beatae Barbarae virginis, anno domini millesimo CCC^mo nonagesimo septimo.

Unter dem Siegel: Commissio propria ad contenta literarum regalium.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 187, 1-11 auf S. 188, 1-14 auf S. 189, 1-5 auf S.190 (dortige 6 zu nachfolgender Urkunde).^{^}
[S. 187]
1) Vorlage hierauf: mecnon.^{^}
2) Zweites Orig.: eorundem.^{^}
3) Fehlt in der Vorlage und im zweiten Orig.^{^}
4) Zweites Orig.: theoleonatores.^{^}
[S. 188]
1) Zweites Orig.: incompassibiliter.^{^}
2) Zweites Orig.: seu.^{^}
3) Zweites Orig.: pervenerit.^{^}
4) Zweites Orig.: relinquerint.^{^}
5) Fehlt in der Vorlage und im zweiten Orig [2x].^{^}
6) Vorlage und zweites Orig.: recedentes.^{^}
7) Fehlt im zweiten Orig.^{^}
8) Vorlage: magestates.^{^}
9) Fehlt in der Vorlage.^{^}
10) Vorlage: magestatibus.^{^}
11) Scilicet: praefati cives et hospites.^{^}
[S. 189]
1) Vorlage: magestatem.^{^}
2) Vorlage: officii.^{^}
3) Vorlage: providentia. -- Zweites Orig.: providentiae.^{^}
4) Vorlage und zweites Orig.: qui.^{^}
5) Zweites Orig.: veritus.^{^}
6) Vorlage: vos.^{^}
7) Vorlage: tributaturios. -- Zweites Orig.: tributatur [Abkürzungssstrich über ur].^{^}
8) Zweites Orig.: cassamus, annullamus.^{^}
9) Vorlage und zweites Orig.: serenissimo.^{^}
10) Zweites Orig.: Cibinio.^{^}
11) Fehlt in der Vorlage und im zweiten Orig [3x].^{^}
12) Vorlage: pertransientes.^{^}
13) Zweites Orig.: relinquerent.^{^}
14) Vorlage und zweites Orig.: aliquis.^{^}
[S. 190]
1) Fehlt in der Vorlage und im zweiten Orig.^{^}
2) Zweites Orig.: aut [2x].^{^}
3) Zweites Orig.: nostrae maiestatis.^{^}
4) Fehlt in der Vorlage.^{^}
5) Zweites Orig.: Cibinii praedicta.^{^}