Urkunde Nr. 1399 aus Band III

Seite im UB:

185-186

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

1399

Temeswar 1397 Oktober 22 ^a) König Sigmund erlässt zu Gunsten Andreas' von Klausenburg eine Verordnung, betreffend das Verbot gegen die Haftbarmachung des genannten Andreas und seiner Leute für fremde Vergehungen, betreffend ferner die Anhängigmachung von Klagen gegen sie in Klausenburg und die Verantwortlichkeit der Klausenburger Gerichtsbehörde vor dem Könige beziehungsweise vor dem Oberstschatzmeister des Königs.

Sigismundus dei gratia rex Hungariae, Dalmaciae, Croatiae et cetera marchioque Brandemburgensis et cetera fidelibus suis universis et singulis praelatis, baronibus, comitibus, castellanis, nobilibus ipsorumque officialibus item civitatibus et liberis villis ipsarumque iudicibus et villicis necnon cunctis aliis regnicolis nostris praesentium continentiam cernentibus salutem et gratiam. Refert nobis Andreas carnifex de Koloswar civis noster, quod cum ipse et sui familiares cum eorum rebus et mercibus in acquisitione victuum suorum ac alia necessitate compulsi varia regni nostri climata perlustrarent, per nonnullos ex vobis in personis eorum iudicarentur et impedirentur ac in rebus et mercibus arestarentur et damnificarentur praesertim pro debitis et excessibus aliorum. Unde cum iusti pro iniustis non debent impediri, ideo fidelitati vestrae firmissime praecipiendo mandamus, quatenus a modo in antea praefatum Andream carnificem et suos familiares in vestris tenutis, possessionibus, honoribus, officiolatibus ac vestri in medio in personis iudicare, impedire et offendere ac in rebus et mercibus ipsorum arestare, damnificare et prohiberi facere nullatenus praesumatis nec sitis ausi modo aliquali praesertim pro debitis, delictis et excessibus aliorum. Sed si qui ex vobis quidquam actionis vel quaestionis contra annotatum Andream [S. 186] carnificem et suos familiares habeat vel habuerint, id in praesentia iudicis et iuratorum civium dictae civitatis nostrae Koloswariensis exequantur, ex parte quorum iidem iudex et iurati cives merum iuris et iustitiae exhibere tenebuntur complementum. Qui si iidem iudex et iurati cives in reddenda iustitia cuipam tepidi fuerint¹⁾ vel remissi, ex tunc non iidem contra quos agitur, sed ipsi iudex et iurati cives in nostram vel tavarnicorum nostrorum magistri praesentiam evocentur rationem abnegatae iustitiae reddituri. Et aliud non facturi. Datum in Themeswar, secundo die festi undecim milia virginum, anno domini millesimo trecentesimo nonagesimo septimo.


a) Ausstellungsort im UB als: Temesvar.^{^}

1) Vorlage: fuerit [Abkürzungssstrich über hinterer Worthälfte].^{^}