Urkunde Nr. 1389 aus Band III

Seite im UB:

173-174

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 70.

Druckvorlage:

nach Original

Abdruck als:

Volltext

Sprache:

Latein

---

1389

Klausenburg 1397 Januar 31 Stibor, Woiwode von Siebenbürgen, erlässt zu Gunsten der Bürger und Kaufleute aus Siebenbürgen insbesondere aus Hermannstadt eine Verordnung, betreffend die schuldigen und üblichen Abgaben der genannten Bürger und Kaufleute, ihre Freiheit bezüglich des Reiseverkehrs, ihre Freiheit von Abgaben für ihre Person, ihre unbeladenen Wagen und Pferde, betreffend ferner die Beschlagnahme von zum Verkauf ins Ausland bestimmten Pferden.

Stiborius vaivoda Transsiluanus et comes de Zolnok universis et singulis nobilibus, castellanis, vicecastellanis, iudicibus, iuratis civibus, telonia- [S. 174] toribus, tributariis, officialibus, cuiuscumque exstiterint conditionis seu dignitatis hominibus, civitatum, oppidorum et villarum rectoribus et gubernatoribus, ad quos praesentes pervenerint, volumus esse notum, quomodo pridem cum in Torda, tibi cum universis regnicolis istarum partium Transsiluanarum pro colloquio fuimus constituti ad tractandum, quae bona et tranquillitatem regni conqueruntur,¹⁾ nonnulli cives et mercatores coram nobis praedictarum partium gravissima proponebant cum querela affirmantes, quando cum mercimoniis seu rebus mercimonialibus eorum ad regnum Hungariae et ultra proficiscere¹⁾ deberentur,¹⁾ ex tunc per teloniatores ac tributarios quousque hic in partibus habitis¹⁾ minus iuste impedirentur et ultra quam moris est seu consuetudo requirit angariarentur et ad superfluas cohortarentur solutiones in praeiudicium ipsorum valde magnum et gravamen. Cum tamen unum quemlibet circa iustitiam et antiquam consuetudinem velimus conservare, idcirco vestram requirimus universitatem et singulariter omnes hortamur necnon regia auctoritate qua fungimur mandamus seriosius praecipientes, quatenus huiusmodi cives et mercatores et signanter illos de Cibinio cum rebus et mercibus eorum, quotiescumque in vestri medium pervenerint, receptis debitis et consuetis tributis ac teloniis ab eisdem sine ulteriore aggravamine liberos abire permittatis et quiete nullas ipsis instantias ac[ ]tates²⁾ penitus facientes. Et hoc committimus per universos comites ac gubernatores quarumvis possessionum, ubi telonia seu tributa exaguntur,¹⁾ examinari et videre fideliter, quod talia tributa iuxta ordinem antiquum et consuetudinem et non citra exigantur et sine quovis obstaculo et occasione. Item volumus, quod annotatos cives et mercatores una cum eorum curribus videlicet non oneratis, qui in vulgari Thouthunico leitwegen nuncupantur, cum equestribus, licet cum curru vel sine curru sint, absque omni solutione pecuniarum penitus et teloniae solutione liberos omnino dimittatis pertransire ita tamen, si qui equos exducere niterentur ad vendendum, volumus ut eosdem nostro nomine occupetis et arestetis, quousque aliud a nobis non habueritis in mandatis. Et aliud in praemissis omnibus non facturi, sicuti favorem regium ac nostram dilectionem vobis diligitis conservare. Datum in Kolusuar, feria quarta proxima ante festum purificationis virginis gloriosae, anno domini M^mo CCC^mo nonagesimo septimo.


1) So Vorlage [5x].^{^}
2) Loch, 0.9 Centimeter breit. - Vor tates sind noch zwei Normalschäfte sichtbar.^{^}