Urkunde Nr. 1382 aus Band III

Seite im UB:

167-168

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1382

Weissenburg 1396 Oktober 24 Johann Vittyh, Vikar des siebenbürgischen Bischofs, bezeugt, dass Laurencius, Sohn Henneng's von Dallendorf, die ihm als Busse für die Tötung seines Vaters Henning zugefallenen Besitzanteile dem Weissenburger Kapitel vermacht hat.

Nos magister Johannes Vittyh venerabilis in Christo patris et domini, domini Materni dei et apostolicae sedis gratia episcopi Transsiluani [S. 168] vicarius in spiritualibus generalis significamus tenore praesentium quibus expedit universis, quod Laurencius filius Henneng nobilis de Dalya feria tertia proxima ante festum beatorum Symonis et Judae apostolorum hora meridiei vel quasi, Albae in domo providi viri Lazari civis Albensis coram nobis et testibus infra scriptis nobis et eisdem testibus per eundem Laurencium filium Henneng in testimonium sui testamenti infra declarandi vocatis et rogatis licet aeger corpore omnino tamen compos suae mentis et rationis dixit et confessus exstitit oraculo vivae vocis, quod prout ipse alias cum bona ratione ac matura deliberatione portiones suas possessionarias pro morte seu emenda mortis praefati Henneng patris sui sibi deventas, quas possideret et haberet, cum omnibus ipsarum utilitatibus et pertinentiis quibuslibet ad ipsas spectantibus coram suo confessore scilicet domino Nicolao presbytero plebano de Varadia aliisque quampluribus testibus fide dignis legasset, ita et nunc ob remedium animae suae et parentum suorum legaret capitulo ecclesiae Transsiluanae, immo legavit coram nobis et testibus infra scriptis tali conditione interiecta, quod praefatum capitulum dominam Elizabeth uxorem suam usque vitam eiusdem dominae in eisdem portionibus possessionariis conservare aut pecuniam, quam ipsa domina de suis propriis bonis pro redemptione ipsarum portionum possessionariarum praetextu impignorationis exposuisset, eidem dominae integre restituere teneretur, qua quidem ecunia per capitulum eidem dominae restituta ipsa domina Elizabeth easdem portiones possessionarias relinquere et resignare teneatur ac etiam ipsa domina mortua dictae portiones possessionariae in dominium praenotati capituli ecclesiae Transsiluanae perpetuo et irrevocabiliter devolvantur. Praesentibus discretis vivis et honestis videlicet Nicolao Symonis et altero Nicolao Stephani presbyteris domini nostri episcopi capellanis ac tertio Nicolao Stephani presbytero domini Petri archidiaconi de Clus capellano, Thoma presbytero domini Johannis praepositi capellano, Chonrado Tubemheym dicto, Benedicto pictore, Johanne filio Jekel, Lazaro hospitibus Albensibus. Super quo testamento ut praemittitur praefata domina Elizabeth patentes literas nostras instanter in testimonium praemissorum postulavit, quas eidem concessimus iustitia requirente. Datum in termino praemisso, anno domini millesimo CCC^mo nonagesimo sexto.