Urkunde Nr. 1371 aus Band III

Seite im UB:

158-159

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1371

Mediasch 1395 September 26 König Sigmund befiehlt Peter, dem Vizewoiwoden von Siebenbürgen, die Hälfte von Kleinenyed der Gattin Michaels von Kleinpold, Elisabeth, zu überlassen.

Von der Kanzlei: Deliberatio baronum.

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fideli suo nobili viro magistro Petro vicevaivodae partium Transsiluanarum salutem et gratiam. Licet nos alias ad humilem vestrae requisitionis instantiam portionem seu medietatem cuiusdam villae sive possessionis Kysenged vocatae, quae ut nobis intimastis [S. 159] Mathei filii Arnoldi de Apoldya hominis sine heredum solatio defuncti praefuisset, vobis ac magistro Dauid filio Martini de Albeus occupandam commiserimus et promiserimus conferendam, tamen accedente nunc ad nostrae maiestatis praesentiam domina Elisabeth consorte Michaelis de dicta Apoldya filia scilicet annotati Mathei nos ad ipsius humillimam supplicationem literas seu iura, quas et quae ipsa ad dictam medietatem possessionis Kysenged haberet, conspicientes ac revideri committentes ex eisdem nostra informata exstitit serenitas sibi ad eandem medietatem seu portionem ius evidens et legitimum competere seu spectare. Unde nolentes ipsam huiusmodi iure suo indebite privari, sed potius eam in eodem conservare praetendentes fidelitati vestrae seriose committentes mandamus et edicimus praecipiendo, quatenus dictam medietatem seu portionem praelibatae possessionis Kysenged per vos ut praemittitur occupatam eidem dominae Elisabeth remittere et resignare debeatis, ipsamqne in eadem nullatenus aggravetis neque impediatis, sed manus vestras et vestrorum de eadem penitus extradatis. Praesentes quoque perlectas reddi iubemus praesentanti. Datum in Megyes, die dominico proximo ante festum beati Michaelis archangeli, anno domini M^mo. CCC^mo. nonagesimo quinto.

Unter dem Siegel: Deliberatio baronum.