Urkunde Nr. 1369 aus Band III

Seite im UB:

157-158

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1369

Hermannstadt 1395 September 14 König Sigmund beauftragt das Weissenburger Kapitel, bei der Begehung der Grenzen der Besitzungen Hyud, Czintos, Tekendorf, Seiden, Bulkesch und Sayo mitzuwirken.

Sigismundus dei gratia rex Hungariae, Dalmaciae, Croaciae et cetera ac marchio Brandenburgensis¹⁾ et cetera fidelibus suis capitulo ecclesiae Albensis Transsiluanae salutem et gratiam. Dicit nobis vir magnificus dominus Frank vaivoda noster Transsiluanus²⁾ sua ac Symonis iudicis curiae nostrae fratris sui carnalis in personis, quod possessiones Hyud, Acinctus, Teke, Sythue, Bulkas et Sayo appellatae cum villis et universis pertinentiis ad easdem spectantibus in ipsis partibus nostris Transsiluanis existentes, erga manus eorum habitae legitimis reambulationibus, metarum erectionibus et renovationibus ac ab aliorum iuribus possessionariis separationibus³⁾ nimium indigerent, si cuiuspiam contradictio eis non obviaret in hac parte. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Jacobus filius Michaelis de Haranglab vel Petrus filius vaivodae de Varadia aut Stephanus⁴⁾ de Bogath sin Barnabas de sancto Paulo, seu Emericus de Kumyadzeke sive Michael de Kalian neve Michael Cehe de Rewd aliis absentibus homo noster ad facies praescriptarum possessionum Hyud, Acinctus, Teke, Sythue, Bulkas et Sayo vocatarum vicinis et commetaneis earum universis inibi legitime convocatis et praesentibus accedendo reambulet ipsas per ipsarum veras et [S. 158] antiquas metas novas iuxta veteres in locis necessariis erigendo reambulatasque et ab aliorum iuribus possessionariis metaliter separatas et distinctas relinquat eas praelibatis dominis Frank et Symoni iure ipsis incumbenti perpetuo possidendas, si non fnerit contradictum. Contradictores vero si qui fuerint, citet ipsos contra memoratum Symonem in praesentiam vaivodae nostri Transsiluani ad terminum competentem, rationem contradictionis eorum reddituros. Et post haec seriem ipsius reambulationis, prout fuerit expediens, eidem domino vaivodae more solito rescribatis. Datum Cibinii, in festo exaltationis sanctae crucis, anno domini millesimo CCC^mo nonagesimo quinto.


1) Vorlage: Branden [Abkürzungssstrich über n].^{^}
2) So Vorlage.^{^}
3) Fehlt in der Vorlage.^{^}
4) Abschrift aus der zweiten Hälfte des 15. Jahrhunderts und Abschrift aus 1568: Gallus.^{^}