Urkunde Nr. 1368 aus Band III

Seite im UB:

156-157

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. (Colecţia de documente ale parohiilor ev.CA săteşti, Inventar 228), Kirchenarchiv Heltau (Cisnădie)

Druckvorlage:

nach Original

Abdruck als:

Volltext

Sprache:

Latein

---

1368

Hermannstadt 1395 September 13 König Sigmund verleiht der Gemeinde Heltau die Befreiung vom Steuerbeitrag für vier Zahlhäuser.

Von der Kanzlei: Relatio domini Fridrici de Sarfenek.

Nos Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera memoriae commendantes tenore praesentium significamus quibus expedit universis, quod fideles cives et populi nostri de Dyoznoyo alias Helthena vocata nostrae claritatis accedentes praesentiam propositisque eorum aggravationibus et periclitationibus, quibus ipsi adeo oppressi existerent, quod census quatuor domorum numoralium in ipsorum medio devastati³⁾ ac aboleti⁴⁾ forent et desolati,⁵⁾ culmini nostro humillime supplicarunt, ut nos ipsis superinde de remedio providendo opportuno eundem censum ipsis relaxare et ipsos de eodem perpetuo supportatos habere dignaremur. Nos itaque percepta huiusmodi querimonia eorundem nostrorum fidelium volentes ipsis de pietate regia, quae subditorum adversitatibus et incommodis munifice obviare ac ipsis proinde gratia consolationis occurrere consuevit, de remedio providere, eorum supplicationibus benigne inclinati dictum censum quatuor domorum numeralium eisdem civibus et populis de Dyoznoyo relaxando ipsos et eorum heredes ac superstites de eodem perpetuo duximus supportandos, immo supportamus et liberos reddimus praesentium per vigorem ita tamen, quod iidem census quatuor domorum numeralium de aliis civitatibus, oppidis et villis septem sedium partium Transsiluanarum celsitudini nostrae administrentur realiter et integraliter et persolvantur. Quocirca nostris fidelibus iudicibus senioribus et iuratis civibus dictarum septem sedium partium Transsiluanarum praesentibus et futuris firmiter praecipimus et mandamus, quatenus praelibatos cives et populos de Dyoznoyo occasione seu praetextu dicti census quatuor domorum numeralium [S. 157] nullatenus impediant nec infestent sed eundem censum aliunde de ipsorum medio, ubi magis congruere agnoscent, exigendo et recipiendo nostrae administrare debeant maiestati, praesentium nostrarum testimonio literarum, quas post lecturam apud dictos cives et populos de Dyoznoyo semper volumus remanere. Datum Cibinii, feria secunda proxima ante festum exaltationis sanctae crucis, anno domini M^mo CCC^mo nonagesimo quinto.

Unter dem Siegel: Relatio domini Fridrici de Sarfenek.


1) O sieht in der Vorlage wie U aus.^{^}
2) V sieht in der Vorlage wie U aus. -- AR verschränkt.^{^}
3) Vorlage: devastate.^{^}
4) Vorlage: abolete.^{^}
5) Vorlage: desolate.^{^}