Urkunde Nr. 1360 aus Band III

Seite im UB:

149-150 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73911 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 288.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1360

1395 April 18 Das Weissenburger Kapitel bezeugt, dass der siebenbürgische Woiwode Frank und Genossen an den König Sigmund die Besitzungen Scharberg, Gernyeszeg, Nebanch und Eles im Tausch gegen die Besitzungen Mönchsdorf, Attelsdorf und Netz abgetreten haben. [S. 150]

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod magnificus vir dominus Frank vaivoda Transsiluanus et comes de Zolnok sua necnon strenui militis magistri Symonis filii quondam Konya bani fratris carnalis ac Ladislai filii suorum de Zechen in personis absque literis procuratoriis onus tamen et gravamen, si in infra scriptis persistere nollent, omnino in se assumendo ad nostram personaliter accedendo praesentiam nobis dixit et confessus exstitit oraculo vivae vocis, quod ipsi prospectu utilioris conditionis ipsis ex hoc cedentis quasdam possessiones ipsorum Sarumberg, Gernyezeg populosas necnon Nebanch et Eles vocatas penitus desolatas, in comitatu Tordensi situatas et existentes sub iisdem metis earum antiquis et terminis ac metarum limitationibus, quibus hactenus per ipsos usque ad fluvium Morus usae, tentae et possessae exstitissent, cum omnibus earum utilitatibus terris scilicet cultis et incultis, pratis, pascuis, fenetis, silvis, nemoribus, virgultis, aquis ac pertinentiis quibuslibet ad ipsos spectantibus necnon idem dominus Frank vaivoda solum ratione additamenti earundem possessionum tria millia quingentos et quadraginta florenos auri pro praesenti expeditione exercituali contra insultus saevissimorum paganorum Rachensium¹⁾ ut puta et Turcorum proclamata in concambium possessionum regalium Harinna, Bylak ac Neech vocatarum, in comitatn de Doboka existentium serenissimo principi domino Sigismundo regi illustri Hungariae domino nostro gratioso et per eum suis successoribus regibus titulo permutationis et concambii dedissent, tradidissent et perpetuo assignassent, ac idem dominus Frank vaivoda proprio ac fratris et filii suorum praedictorum nominibus ut supra dedit, tradidit et assignavit coram nobis, assumentes nihilominus et obligantes se propriis eorum laboribus et expensis expedituros ab omni, quam praetextu praedictarum possessionum ipsorum Sarumberg, Gernyezeg, Nebanch et Ebes nuncupatarum, per ipsos modo praescripto in concambio traditarum successu temporum contra eundem dominum²⁾ nostrum regem et eius successores reges per quempiam extra vel intra iudicium ordine iudiciario oriri contingeret, actione et in pacifica possessione earundem indemniter conservaturos, ac idem dominus Frank vaivoda nomine quo supra coram nobis assumpsit et se obligavit spontanea voluntate. In cuius rei testimonium perpetuamque firmitatem ad instantiam et petitionem eiusdem domini Frank vaivodae praesentes literas nostras privilegiales duximus concedendas. Datum in octavis festi resurrectionis domini, anno eiusdem millesimo trecentesimo nonagesimo quinto. Honorabilibus et discretis viris dominis Johanne praeposito, Johanne cantore canonico non existente, Petro custode ac altero Petro archidiacono de Torda decano canonicis ecclesiae nostrae existentibus. [S. 151]


a) Seitenumbruch nach Kopfregest.^{^}

1) Vorlage: Rachen [Abkürzungssstrich über n].^{^}
2) Hierauf: regem [unterpunktet].^{^}