Urkunde Nr. 1359 aus Band III

Seite im UB:

149

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1359

Pétermonostora 1395 April 6 ^a) König Sigmund beauftragt Gregor von Bethlen, den Miles aulae regiae, zum Heere des Königs in die Walachei sich zu begeben und darauf zu achten, dass die für Sold gemieteten Truppen dem für sie gezahlten Solde entsprechen.

Von der Kanzlei: Propria commissio domini regis.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fideli suo magistro Gregorio de Bethlen aulae nostrae militi salutem et gratiam. Quia nos viros magnificos Stephanum de Lossonch pridem banum et magistrum Franciscum filium quondam comitis Stephani de Bwbek et quosdam alios barones milites et proceres nostros nunc pro nostra expeditione exercituali contra Turcos habita ad partes Transalpinas cum gentibus eorum¹⁾ duximus transmittendos, eapropter vestrae fidelitati firmiter et districte mandamus omnino volentes, quatenus visis praesentibus vos personaliter in ipsam nostram expeditionem exercitualem ad ipsas partes Transalpinas et in medium gentis nostrae praedictae nostra in persona accedere ibique cum eisdem stare et residere ipsasque gentes nostras omni et quolibet mense sic et adeo revidere debeatis, ut hi quibus pecunias nostras distribuimus ad numerum lancearum, ad quamlibet lanceam duos bonos archerarios seu faretrarios habeant, hi vero, quibus ipsas nostras pecunias ad pharetrariorum seu archerariorum numerum dignoscuntur distribuisse, bonos et aptos archerarios habere debeant effective. Qui autem in demonstratione seu ostensione hominum seu gentis suorum aprodianos suos vel alios²⁾ non²⁾ valentes²⁾ nomine archerariorum propter apparentiam demonstraverint et adduxerint, tales aprodianos eorum et ipsos²⁾ alios²⁾ non²⁾ valentes²⁾ ad numerum archerariorum seu pharetrariorum recipere, acceptare et computare minime audeatis, et aliud in praemissis pro nostra gratia non facturi. Datum in Petermonostora, feria tertia proxima post dominicam Ramispalmarum, anno domini M^mo CCC^mo LXXXX^mo quinto.

Unter dem Siegel: Propria [commissio domini] regis.


a) Ausstellungsort im UB als: Petermonostora.^{^}

1) Über der Zeile nachgetragen.^{^}
2) Auf Rasur [7x].^{^}