Urkunde Nr. 1357 aus Band III

Seite im UB:

145-147 ^a)

Heute in:

Gran, Archiv des Domkapitels [Esztergomi káptalan magánlevéltára]

Heutige Signatur:

Acta radicalia, Lade 44, Fasz. 11 Nr. 5.

Druckvorlage:

nach Original

Abdruck als:

Volltext

Sprache:

Latein

---

1357

Rom bei St. Peter [1395] März 17 Papst Bonifaz IX. ernennt Johann, den Erzbischof von Gran, Primas und Legatus natus in der Stadt, Diözese und Provinz von Gran und in den zum Graner Erzbistum gehörigen Klöstern, Kirchen und Orten, auch für die Stadt, Diözese und Provinz von Kalocsa, beziehungsweise die Nachfolger Johanns im Graner Erzbistum für den genannten Bereich des Graner Erzbistums zu immerwährenden Primaten und Legati nati.

Bonifacius episcopus servus servorum dei venerabili fratri Johanni archiepiscopo Strigoniensi primati et apostolicae sedis legato salutem et apostolicam benedictionem. Romanus pontifex, qui disponente domino super omnes ecclesias ordinariae potestatis obtinet principatum, quandoque incumbentia sibi onera non locis sed praelatis partitur idoneis eosque in sollicitudinem apostolici officii per amplius honorando et etiam onerando suscipit, pront iuxta personarum et temporum qualitatem ac etiam reipublicae utilitati conspicit expedire. Dudum siquidem te in civitate et diocesi ac provincia Strigoniensi necnon quibuslibet monasteriis, ecclesiis et locis tibi ratione tuorum¹⁾ archiepiscopatus ac ecclesiae Strigoniensis quomodolibet subiectis primatem et legatum sedis apostolicae natura, quamdiu te eidem ecclesiae Strigoniensi duntaxat praesidere contingeret, de fratrum nostrorum consilio et apostolicae potestatis plenitudine per alias nostras literas cum plenis, liberis, meris et omnimodis potestate et iurisdictione et earum exercitio primatibus et legatis natis competentibus de consuetudine vel de iure constituimus et etiam deputavimus ita, ut omnia et singula, quae primates et legati nati huiusmodi duntaxat in civitatibus, diocesibus, provinciis et locis eis decretis seu subiectis, in quibus existerent primates et legati nati, ac in eorum incolas et habitatores exercere de iure vel consuetudine huiusmodi quomodolibet possent, tu etiam in eisdem civitate et diocesi ac provincia Strigoniensi ac etiam monasteriis, ecclesiis et locis tibi subiectis ut praefertur in quoslibet videlicet utriusque sexus homines tam¹⁾ clericos,¹⁾ non¹⁾ tamen¹⁾ sedi apostolicae immediate subiectos, quam etiam laicos et quoscumque alios, qui pro tempore in eisdem civitate et diocesi ac pro- [S. 146] vincia Strigoniensi ac etiam monasteriis, ecclesiis et locis tibi subiectis ut praefertur moram traherent vel degerent, libere et licite exercere valeres, concessa tibi insuper auctoritate apostolica contradictores et rebelles quoslibet per excommunicationis, suspensionis et interdicti vel amotionis aut depositionis sententias vel alias per censuram ecclesiasticam appellatione postposita compescendi libera facultate, prout in ipsis literis plenius continetur. Attendentes igitur eximium devotionis fervorem, quem ad nos et Romanam geris ecclesiam, ac sperantes, quod tu ea, quae tibi committimus, scies et poteris auctore domino et ad eius laudem ac gloriam et exaltationem fidei necnon prosperum statum incolarum partium infra scriptarum exequi sollicite, fideliter et prudenter, prout praedicta per nos tibi commissa laudabiliter hactenus executus fuisti et exequeris de praesenti, ac praemissorum intuitu necnon consideratione carissimi in Christo filii nostri Sigismundi regis Vngariae illustris super hoc nobis humiliter supplicantis et propter optatum huiusmodi incolarum prosperum statum et salutem animarum cum affectionis paternae plenitudine, digesto consilio ac perpensa deliberatione maxime, quia innumerabilium sumus quasi negotiorum continuo varietate distracti ita, quod humana natura¹⁾ non¹⁾ patitur, ut essentia nostri corporis tota simul in diversis locis exhibeat se praesentem, te quem etiam percipimus zelum iustitiae colere et esse pacis auctorem ac tibi caelesti esse dono provisum, ut in arduis negotiis scias et possis provide consulere et utili consilio providere, et quem dominus scientiarum magnitudine, providentiae munere, circumspectionis²⁾ gratia multipliciter insignivit, humeris tuis fortitudinis robur adiiciens, ut ad huiusmodi laudem sui nominis grandia supportes, et eandem³⁾ ecclesiam Strigoniensem ac etiam successores tuos archiepiscopos Strigonienses, qui erunt pro tempore, condignis honoribus sublimare volentes, te etiam in civitate et diocesi ac provincia Colocensi, quaradiu eidem ecclesiae Strigoniensi duntaxat praofueris, ut praefertur, et etiam postea praedictos successores tuos archiepiscopos Strigonienses in civitate et diocesi ac provincia Strigoniensi necnon quibuslibet monasteriis, ecclesiis et locis praedictis eidem ecclesiae Strigoniensi quomodolibet ut praemittitur subiectis tantum perpetuos primates et legatos dictae sedis natos cum omnibus et singulis potestatibus et facultatibus praedictis in praedictis literis contentis ac honoribus, praeeminentiis solitis et quibus ceteri primates et legati nati de consuetudine vel de iure praefulgent, de eorundem fratrum consilio et apostolicae potestatis plenitudine et ex certa⁴⁾ nostra scientia tenore praesentium constituimus, facimus et etiam deputamus. Non obstantibus quibuslibet literis, indulgentiis et privilegiis apostolicis quorumcumque tenorum existant, per quae praesentibus non expressa vel totaliter non inserta effectus earum impediri valeat quomodolibet vel differri, et de quibus quorumque totis tenoribus haberi debeat in nostris literis mentio specialis. Nos enim sententias et poenas, quas propter hoc tu et iidem successores tui rite tuleris in rebelles, ratas [S. 147] habebimus et faciemus auctore domino usque ad satisfactionem condignam inviolabiliter observari. Tu igitur ad laudem dei ac etiam decus et honorem ecclesiae Romanae onus praedictum prompta devotione suscipiens sic te in eius cura salubriter dirigenda fructuosum exhibeas, quod nos tuae circumspectionis et diligentiae studium dignis possinius in domino laudibus commendare. Datum Romae apud sanctum Petrum, XVI Kalendas Aprilis, pontificatus nostri anno sexto.

Unten rechts, von der Kanzlei: C C . Mar. . Franciscus . . Ja . de Bonon.
Unten links, von der Kanzlei: . P . de Bosco .
Auf der Rückseite, auf dem untern umgebogenen Rande links, vom Schreiber der Urkunde: . R. Bernghos. XX.
Auf der Rückseite, von der Kanzlei: Regestrata.l) N.1)


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 145, 1-4 auf S. 146, 1 auf S. 147 (dortige 2-3 zu nachfolgender Urkunde).^{^}
[S. 145]
1) Auf Rasur [5x].^{^}
[S. 146]
1) Auf Rasur [2x].^{^}
2) pectionis auf Rasur.^{^}
3) et ean auf Rasur.^{^}
4) cer auf Rasur.^{^}
[S. 147]
1) Vorlage: R mit eingeschriebenem .n.^{^}