Urkunde Nr. 1347 aus Band III

Seite im UB:

133-134 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1347

Kronstadt 1395 März 7 König Sigmund verleiht Johann, dem Sohne Jakobs von Brenndorf, und Genossen Abgabenfreiheit für ihre zwei Hofstellen, ihre Ackerländer und ihre Mühle in Brenndorf, ferner das ausschliessliche Mühlenrecht auf dem Brenndörfer Hattert.

Von der Kanzlei: Propria commissio domini nostri regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandenburgensis¹⁾ et cetera notum facimus universis quibus incumbit per praesentes, quod nos consideratis fidelitatibus et fidelium obsequiorum meritis Johannis filii Jacobi de Bothfalua²⁾ de districtu Brassouiensi necnon quondam Nicolai filii ipsius Jacobi, fratris ut puta eiusdem Johannis uterini, quibus ipsi in nonnnllis nostris et regni nostri expoditionibus specialissime in regio nostro exercitu et personali conflictu pridem contra Stephanum minoris Walachyae³⁾ seu terrae nostrae Molduanae vaivodani victoriose et cum votivo triumpho per nos habito et commisso in omni fidelitatis fervore nobis et sacrae coronae regiae studuerunt intrepide complacere, ubi idem Nicolaus in suae sincerae fidelitatis iudicium conflictu in eodem crudeliter exstitit interemptus, eosdem Johannem filium Jacobi necnon Petrum et Ladizlaum filios ipsius quondam Nicolai in ipsis nostris servitiis interempti ac eorum heredes heredumque suorum successores et posteritates universos ab omnibus collectarum, censuum et quarumlibet dacionum solutionibus, quibus ipsi hactenus regiae dignitati de duobus⁴⁾ fundis curiarum ipsorum ac terris arabilibus in dicta villa Bothfalua²⁾ et eius territorio habitis et existentibus facere fuissent astricti, de regiae liberalitatis largiflua clementia et gratia speciali ex certaque nostrae maiestatis scientia perpetuo et irrevocabiliter liberantes, absolventes, eximentes et exonerantes quitos eosdem circa praemissa, liberos et expeditos duximus committendos harum nostrarum testimonio literarum. Praeterea molendinum ipsorum in territorio dictae villae [S. 134] nostrae Bothfalua¹⁾ existens ipsi et eorum successores modo simili libere et sine omni conditionario nexu ac absque aliquorum emolumentorum dacione temporibus semper perpetuis et successivis teneant, habeant et possideant pacifice et quiete, nec a modo in antea quipiam incolarum nostrorum nova molendina in ipsius villae nostrae territorio in detrimentum et abolitionem molendini dictorum Johannis et filiorum quondam Nicolai ac praeiudicium iuris eorundem construi et aedificari facere valeant²⁾ modo aliquali. Incolae vero et habitatores villae nostrae praedictae ubi et in quo loco maluerint liberam et omnimodam eorum tritica³⁾ molendi habebunt facultatem. Vobis itaque comiti Siculorum nostrorum vel vicecomiti vestro necnon iudicibus, iuratis senioribus et universis civibus nostris de Brassouia praesentibus et futuris harum serie firmo edicto regio praecipientes mandamus, quatenus praefatos Johannem filium Jacobi necnon Petrum et Ladizlaum filios dicti quondam Nicolai ac eorum heredes praetextu praetaxatarum hereditatum eorundem nullo⁴⁾ umquam tempore contra formam praemissae gratiae nostrae in praemissis eisdem factae audeatis disturbare, aliud facere non ausuri. Datum Brassouiae praedicta, in dominica Reminisscere, anno domini M^mo CCC^mo nonagesimo quinto.

Unter dem Siegel: Propria commissio domini nostri regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 133, 1-4 auf S. 134.^{^}
[S. 133]
1) Vorlage: Brand [Abkürzungssstrich über d].^{^}
2) 1419: Bothfalwa [2x].^{^}
3) 1419: Wolahyae.^{^}
4) Vorlage und 1419: duabus.^{^}
[S. 134]
1) 1419: Bothfalwa.^{^}
2) Vorlage: valleant.^{^}
3) Hierauf: et.^{^}
4) Vorlage und 1419: ullo.^{^}