Urkunde Nr. 1336 aus Band III

Seite im UB:

120-123 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 15.

Druckvorlage:

nach Original

Abdruck als:

Volltext

Sprache:

Latein

---

1336

1395 Februar 18 König Sigmund verbietet die an den königlichen und sonstigen Abgabenstellen gegen die Leute aus dem Kronstädter Distrikt verübten Ungerechtigkeiten, betreffend die Einhebung von Strafgeld, die Wegnahme der Waren, die Besteuerung der Reisenden, des Reisegepäcks, der Lebensmittel, der Gold- und SilberVorräte und des Geldes, sowie der Geschenke für den König und die Königin.

Von der Kanzlei: Propria commissio domini nostri regis.

[S]igismundus²⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Regiae dignitatis³⁾ praefulgentius attollitur decor et ornatus, si eadem suorum fidelium subditorum commodis et utilitatibus invigilans providebit erroneas novitates abolendo,⁴⁾ ut exinde ipsa glorietur iidemque numero et fidelitate augeantur. Proinde ad universorum notitiam harum serie volumus pervenire, quod fideles nostri iudex, iurati consules seniores et universi cives nostri Brassouienses suis et aliorum fidelium incolarum nostrorum in villis ad eandem sedem Brassouienseni spectantibus commorantium in personis in nostrae celsitudinis venientes conspectum nostrae dolorose significarunt maiestati, quod cum ipsi aut aliqui ex eisdem ad provincias aut aliqua regni nostri climata in acquisitione suorum victuum necessariorum proficiscerentur, [S. 121] sicut per nonnullos nostros sic non minus et aliorum tributarios seu teloniatores varias iniurias violentasque rerum et bonorum eorum ablationes ac illicitas suarum personarum dehonestationes quibusdam sinistris novitatibus per ipsos tributarios diversimode introductis creberrime et incompassibiliter paterentur in eo primarie, quod cum ipsi fideles cives et hospites nostri aut aliqui ex eisdem simul ut puta vel singillatim ad loca dictorum tributorum pervenientes equum vel equos ipsorum ad columnam seu statuam signum tributariae solutionis decernentem vel ad parietem vel domum tributariam contingenter alligaverint, ex tunc tributarii super eos quadraginta denarios, aut si etiam iidem cives et hospites nostri vel aliqui ex ipsis armis eorum necessariis more solito muniti in domum et praesentiam ipsorum tributariorum praetextu solutionis tributi intrantes accesserint dicta arma eorum foris non relinquendo, similiter quadraginta denarios super eos exigerent et extorquerent. Vel si etiam iidem cives et hospites nostri aut aliqui ex ipsis cum eorum curribus et rebus mercimonialibus ad loca dictorum tributorum pervenerint et equi ipsorum ipsos currus trahentes eandem statuam seu columnam sive domum tributariam aliquantulum pertransierint et aliquantisper post tergum reliquerint¹⁾ aut si ipsi cum dictis eorum curribus et rebus in hospitio descenderint et de eodem hospitio ad dictos tributarios accesserint iustum et verum tributum persoluturi vel si aliqui ex eisdem civibus nostris cum dictis rebus eorum mercimonialibus ad dicta loca tributorum pergentes certum hominem ipsorum a campo propter celeriorem expeditionem praemissae tributariae solutionis antemitterent et de ipsis rebus ipsorum iustum tributum persolvi faciendo in ipsisque locis dictorum tributorum non pausando pertransierint, praefati tributarii illico calumnia eis imposita asserentes ipsos cum eorum rebus praedictis de dictis tributorum locis fugitive et clandestine recessisse, ipsos rebus eorum praemissis prorsus spoliarent, damnificarent et creberrime disturbarent. Cumque etiam praefati cives et hospites nostri aut nuncii seu ambasiatores eorum aliqui ad nostram vel reginalem maiestates in factis et necessitatibus ipsorum venire voluerint aut cum curribus lectisternia et victualium ipsorum necessaria deferentibus vel sine curribus et absque rerum mercimonialium delationibus solum super equis ad aliquas partes regni nostri profecti aliqua eorum facta et certa negotia prosecuturi exstiterint, ex tunc praefati tributarii super ipsos et a curribus ac equis ipsorum necnon clenodiis seu muneribus nostrae vel reginali maiestatibus per ipsos portandis et exhibendis necnon pecunia ac auro et argento ipsorum hinc inde intra ambitum regni nostri ad eorum negotiationes necessario per ipsos deferendis tributariam exactionem peterent, reciperent et indefesse extorquerent in ipsorum ingens detrimentum non modicum et iacturam, deprecantes²⁾ super his per nostram maiestatem condignum et opportunum remedium gratiose ipsis elargiri. Nos igitur officio³⁾ nostri regii regiminis incumbente attendentes divinae providentiam maiestatis, quae cuncta perpetua ratione regit et gubernat, principatus et [S. 122] dominationes in orbe terrarum ad hoc produxisse, ut sinistras novitates per quempiam suis fidelibus incolis quoquomodo inflictas penitus evulsas habeat et relegatas nationesque sibi subiectas in viam pacis et iustitiae, quae summa virtus est, dirigat et pacifice custodiat, pro eo nos commodis et utilitatibus dictorum fidelium civium et hospitum nostrorum ac heredum et posteritatum eorundem invigilare cupientes praefatas omnes erroneas novitates et abusivas ac damnabiles consuetudines in dicti tributi receptione per ipsos tributarios ut est antelatum introductas una cum praelatis et baronibus nostris cassamus, annullamus et in irritum perpetuo revocamus mandantes et nostro firmissimo edicto regio praecipientes universis praelatis, baronibus, comitibus, castellanis, nobilibus et eorum officialibus tributa tam in terris quam super aquis ubique intra ambitum regni nostri tenentibus et habentibus nostrisque et eorundem tributariis praesentibus et futuris praesentium notitiam habituris, quatenus a modo in antea super dictos cives et hospites nostros pro eo, ut iidem equum vel equos ipsorum ad praefatam columnam, parietem vel domum tributariam contingenter alligaverint, et ex eo ut ipsi aut aliqui ex ipsis praemissis eorum armis muniti in eorundem tributariorum domum et praesentiam accesserint, praefatos singulos quadraginta denarios dicti tributarii recipere non praesumant, et etiam pro eo ut ipsi cives et hospites nostri cum curribus et rebus ipsorum ad loca dictorum tributorum dum pervenerint et equi ipsorum dictos currus trahentes eandem columnam vel domum tributariam aliquantisper pertranseuntes post tergum reliquerint,¹⁾ ac etiam ex eo ut si ipsi cum dictis eorum curribus et rebus in hospitio descenderint et deinde ad solvendum tributum ad dictos tributarios accesserint tributum persoluturi, pro eo etiam ut si aliqui ex eisdem civibus nostris cum dictis rebus ipsorum mercimonialibus ad loca tributorum pergentes a campo dictum hominem ipsorum ad solvendum tributum antemitterent et de ipsis rebus ipsorum iustum tributum persolvi faciendo in locis dictorum tributorum non pausando pertransierint, iam dicti tributarii praefatos fideles cives nostros praemissis eorum rebus et bonis spoliare aut damnificare ipsos seu disturbare nullatenus valeant neque possint nec ab ipsis ad nostram vel reginalem maiestates venientibus aut ad aliquas regni partes sine rebus mercimonialibus equitantibus et eorum curribus dicta ipsorum lectisternia seu victualium genera continentibus necnon auro et argento ac pecunia eorum praetextu ut praemisimus negotiationis ipsorum intra ambitum regni nostri hunc et hanc per eos portandis muneribusque nostrae vel reginali maiestatibus per eos deferendis iuxta nostrae maiestatis decretum temporibus in perpetuis illibate duraturum tributariam exactionem memorati tributarii petere aut exigere non debeant neque valeant modo aliquali, sed eos ac ipsorum successores iuxta praemissum nostrae maiestatis decretum et statutum temporibus semper in perpetuis quitos sinant pertransire de locis dictorum tributorum et pacificos novitate et impedimento absque omni. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis [S. 123] muninime roboratas. Datum per manus reverendissimi in Christo patris et domini, domini Johannis archiepiscopi ecclesiae Strigoniensis primatisque et apostolicae sedis legati ac eiusdem Strigoniensis loci comitis perpetui necnon aulae nostrae et reginalis maiestatum eximii cancellarii dilecti nostri et fidelis, anno domini M^mo CCC^mo nonagesimo quinto, duodecimo Kalendas mensis Marcii, regni autem nostri anno octavo.

<re>Von der Kanzlei: Propria commissio domini nostri regis. </re>


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-4 auf S. 120 (1 zu voranstehender Urkunde), 1-3 auf S. 121, 1 auf S. 122.^{^}
[S. 120]
2) Raum für S leer gelassen.^{^}
3) Vorlage: dignitati.^{^}
4) Vorlage: aboliendo.^{^}
[S. 121]
1) Vorlage: relinquerint.^{^}
2) Scilicet: praefati cives et hospites.^{^}
3) Vorlage: officii.^{^}
[S. 122]
1) Vorlage: relinquerint. ^{^}