Urkunde Nr. 1319 aus Band III

Seite im UB:

76-77

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1319

1394 Mai 8 Das Weissenburger Kapitel berichtet dem Vizewoiwoden Peter, dass Peter, Pleban von Schässburg, und Genossen in einen Besitzanteil von Rosch eingeführt worden sind.

Nobili viro et honesto magistro Petro filio Georgii de Wereb vicevaivodae Transsiluano amico ipsorum honorando capitulum ecclesiae Transsiluanae amicitiam paratam debito cum honore. Noveritis quod nos receptis literis vestris iudiciariam commissionem vestram exprimentibus, vestris petitionibus annuentes una cum magistro Petro vestro notario, homine vestro ad infra scripta specialiter transmisso nostrum hominem videlicet Gallum presbyterum de choro nostro ad¹⁾ divisionem et statutionem infra declarandam faciendam duximus transmittendum. Qui demum ad nos reversi nobis concorditer retulerunt, quod ipsi prout in praedictis literis vestris adiudicatoriis continebatur, octavo die diei medii quadragesimae²⁾ ad faciem possessionis Rawas vocatae pariter accessissent ac vicinis et commetaneis eiusdem universis circumquaque legitime convocatis ipsisque praesentibus eandem possessionem Rawas cum omnibus suis utilitatibus et pertinentiis quibuslibet in quinque partes rectas et coaequales, singulas partes per tredecim curias seu sessiones iobagionum divisissent. Quarum quinque partium unam rectam et aequalem scilicet a parte rivuli, qui per medium villae fluit ad occidentem, versus septentrionem, supra pontem unam curiam, ex alia vero parte rivuli, versus meridiem a quodam puteo usque ad finem villae per utramque partem plateae duodecim curias seu sessiones iobagionum cum omnibus utilitatibus et pertinentiis quibuslibet ad ipsam quintam partem spectantibus discreto viro domino Petro plebano de Segeswar, Nicolao fratri eiusdem uterino, Johanni filio Nicolai et Ladislao filio Mychaelis de dicta Rawas eorumque heredibus iure ipsis attinenti iuxta continentiam praenotatarum literarum vestrarum adiudicatoriarum,³⁾ contradictione Johannis [S. 77] filii Georgii de Musna, Johannis filii Johannis de Isopfalwa et Nicolai filii Andreae de Dalya ac aliorum quorumlibet non obstante statuissent perpetuo possidendam, tenendam pariter et habendam. Datum in quindenis festi beati Georgii martyris, anno domini M^mo CCC^mo LXXXX^mo quarto.


1) Hierauf durchgestrichen: praemissa [unterpunktet].^{^}
2) April 1.^{^}
3) Hierauf durchgestrichen: non obstante [unterpunktet].^{^}