Urkunde Nr. 1306 aus Band III

Seite im UB:

53-54

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 63.

Druckvorlage:

nach Original

Abdruck als:

Volltext

Sprache:

Latein

---

1306

Thorenburg 1393 April 13 Emerich Bubek, Woiwode von Siebenbürgen, richtet an die Prälaten und Genossen zu Gunsten der Stadt Hermannstadt die Bitte beziehungsweise dem Befehl, von den Kaufleuten der genannten Stadt keine ungesetzmässigen Abgaben zu erheben, Gerichtsbarkeit über sie nicht auszuüben und für fremde Vergehungen sie nicht zu verhaften.

Universis praelatis, baronibus, comitibus, castellanis, nobilibus, officialibus, tributariis nostris et eorundem necnon vices eorundem gerentibus item civitatibus et liberis villis regalibus earundemque rectoribus et villicis signanter autem cuiusvis status et conditionis hominibus praesentium notitiam cernentibus Emericus Bubek vaivoda Transsiluanus et comes de Zolnuk sincerae amicitiae continuum incrementum. Gravis querela seniorum iuratorum cunctorumque civium et hospitum regalium de Cybinio nobis patefecit, quomodo ipsi in ambitu regni in acquirendis victuum eorum necessariis in locis tributorum vestrorum superflua tributaria exactione et pro debitis ac off'ensis aliorum vestris in tenutis, possessionibus et honoribus et in vestri medio iudicio et iudicatui astatione et coartatione pluries¹⁾ aggravarentur ac damnificarentur sine intermissione. Verum quia iidem seniores iurati cunctique cives regales per regiam commissionem specialem nostrae subiungere censeantur protectioni, nolentes itaque eosdem huiusmodi minus iustas tributarias exactiones et coartationes, astationes iudiciorum simpliciter supportare, de remedio eisdem providentes opportuno vestram requirimus amicitiam attente, quibus vero congruit omnino volentes firmis damus in mandatis per praesentes, quatenus a modo et deinceps dum et quando iidem seniores iurati et universi cives regales aut quispiam ipsorum vel familiares praesentium ostensores ad tenuta, possessiones ac honores vestros sive loca tributorum aut vestri in medium simul cum eorum mercimoniis ac rebus venalibus cuiuscumque generis et speciei existant devenerint, ad superfluam tributariam exactionem et astationem iudiciorum vestrorum coartare ac pro [S. 54] debitis et offensis aliorum arestare nequaquam faciatis, sed habitis vestris iustis tributis eosdem pacificos et quietos atque indemnes abire permittatis et permitti faciatis salvis rebus et personis de tenutis, possessionibus, honoribus vestris locisque tributorum vestrorum supra dictorum, ubi etiam necesse fuerit protegatis et defendatis contemplatione nostrae petitionis. Et aliud in hoc facto ex parte vestri nolumus nobis esse gratum. Datum Tordae, octavo die festi Passcae domini, anno eiusdem millesimo trecentesimo nonagesimo tertio.


1) Vorlage: pleries.^{^}