Urkunde Nr. 1304 aus Band III

Seite im UB:

51-52 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1304

Ofen 1393 Januar 22 König Sigmund beauftragt das Weissenburger Kapitel, bei der Einführung Gregors von Bethlen in den Besitz von Michelsdorf mitzuwirken. [S. 51]

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis capitulo ecclesiae Transsiluanae salutem et gratiam. Cum nos possessionem nostram Wezzews vocatam in comitatu de Kykellew habitam ad castrum nostrum Kykellewar vocatum spectantem dilecto fideli nostro nobili viro magistro Gregorio de Bethlen per alias literas nostras pro mille et centum florenis auri [ab] eodem singillatim receptis titulo pignoris duximus obligandam, fidelitati igitur vestrae damus in mandatis, quatenus vestrum mittatis hominem pro testimonio fide dignum, quo praesente Johannes de Ceste vel Jacobus de [ ]oda¹⁾ sin Ladislaus de Chasor sive Franciscus de Zenthmyklos aliis absentibus homo noster ad faciem dictae possessionis Wezzews vicinis et commetaneis eius inibi legitime convocatis et praesentibus accedendo statuat eandem eidem Gregorio praemisso pignoris titulo possidendam, si non fuerit contradictum. Contradictores vero si qui fuerint, evocet eosdem contra praefatum Gregorium nostram in praesentiam ad terminum competentem rationem contradictionis eorum reddituros. Et post haec omnium praemissorum seriem ut fuerit expediens nobis fideliter rescribatis. Datum Bwdae, in festo beati Vincencii martyris, anno domini millesimo CCC^mo nonagesimo tertio.


a) Seitenumbruch nach Kopfregest.^{^}

1) Loch, fehlt ein Buchstabe.^{^}