Urkunde Nr. 1276 aus Band III

Seite im UB:

29-30 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1276

Klausenburg 1391 April 28 König Sigmund schaltet die Urkunde des Königs Ludwig I. von 1374 Nr. »1024, betreffend die Befreiung der Klausenburger von den Abgaben in Bacs, ein und verbietet den Söhnen des Magisters Georg Bubek, von den Klausenburgern in Bacs Abgaben zu erheben. [S. 30]

Sigismundus dei gratia rex Hungariae, Dalmaciae, Croaciae et cetera marchioque Brandenburgensis et cetera fidelibus suis magnificis viris comiti Emerico Bubek iudici curiae nostrae ac Detrico regnorum nostrorum Sclauoniae, Dalmaciae et Crouaciae bano filiis quondam magistri Georgii Bubek dicti salutem et gratiam. Noveritis quod providi viri Melchior iudex et Hermanus Brustul civis civitatis nostrae Kolosuar nuncupatae in partibus Transiluanis situatae suis et universorum civium ac hospitum nostrorum de eadem in personis ad nostrae venientes praesentiam maiestatis praetextu huius, quomodo ipsi a solutione tributi in villa Bach vocata pro vobis exigi consueti¹⁾ omnino essent exempti penitus et expediti per vestrosque officiales et tributarios de dicta Bach ratione solutionis ante fati tributi de personis et rebus eorum vobis fiendae iniuste perturbarentur et damnificari committerentur indefesse, quasdam literas patentes quondam serenissimi principis domini Lodouici regis felicis memoriae praedecessoris et soceri nostri suo secreto sigillo rotundo consignatas nobis exhibuerunt hunc tenorem continentes. (Folgt die Urkunde des Königs Ludwig I. von 1374 Nr. »1024.) Super quo fidelitati vestrae et dictis vestris officialibus et tributariis praesentibus et futuris praesentium notitiam habituris firmissime praecipiendo mandamus, quatenus a modo et deinceps in loco dicti tributi vestri de Bach a praefatis civibus et hospitibus nostris ac eorum rebus et mercibus tributum aliquod petere, recipere aut exigi facere nullatenus praesumatis nec sitis ausi modo aliquali, libertate eorum requirente approbata in hac parte. Praesentes perlectas reddi iubemus iugiter praesentanti. Et aliud pro nostra gratia non facturi in praemissis. Datum in ipsa Kolosuar, feria sexta proxima post festum beati Georgii martyris, anno domini millesimo CCC^mo nonagesimo primo.


a) Seitenumbruch nach Kopfregest.^{^}

1) Fehlt in der Vorlage.^{^}