Urkunde Nr. 1273 aus Band III

Seite im UB:

25

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1273

Klausenburg 1391 April 24 König Sigmund beauftragt Ladislaus, den Woiwoden von Siebenbürgen, und Genossen, den Streit zwischen Andreas, dem Sohne Gregors von Saztelek, einerseits und Stephan, dem Sohne Lukas', andererseits, betreffend Benzenz, Ringelkirch, Gergeschdorf und Rothkirch, zu untersuchen und ihm darüber zu berichten.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fidelibus suis magnifico viro Ladislao Transsiluano vaivodae eiusque vicevaivodae, item magistro Johanni filio Pethew de Zanto iuratisque assessoribus generalis congregationis nobilium in Torda celebrandae salutem et gratiam. Dicitur nobis in persona Andreae filii Gregorii de Saztelek, quomodo Stephanus filius Lucae portiones possessionarias in possessionibus Benchench, Rengelkirh, Gergelfaya et Weresegyhaz vocatis habitas ad ipsum Andream et ceteros fratres et consanguineos ipsius a quondam Johanne filio Salamonis hereditarie devolutas occupasset et occupatas teneret asserens sibi easdem portiones possessionarias per dictum Johannem filium Salamonis testamentaliter fore legatas, cum tamen idem Johannes nullam possessiones easdem iuxta regni nostri ritum legandi habuisset facultatem. Super quo fidelitati vestrae firmiter praecipiendo mandamus, quatenus mox visis praesentibus odio et favore quibuslibet relegatis auditis et intellectis partium iuribus eisdemque diligenter examinatis quidquam vobis in praemissis iuri consonum fore videbitur partes inter easdem effective discutere et adiudicare debeatis et tandem ea quae circa praemissa disposueritis maiestati nostrae in vestris literis rescribatis. Praesentes autem post lecturam reddatis praesentanti, secus non facturi. Datum in Coloswar, in festo beati Georgii martyris, anno domini millesimo CCC^mo nonagesimo primo.