Urkunde Nr. 139 aus Band I

Seite im UB:

110-111

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 766.

Druckvorlage:

nach Original

Abdruck als:

Volltext

Sprache:

Latein

---

139

1271 König Stephan V. bestätigt Comes Chyel in den demselben von Teel überlassenen Besitzungen

[S]tephanus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Cumaniae, Bulgariaeque rex universis Christi fidelibus praesentes literas inspecturis salutem in omnium salvatore. Ad universorum notitiam harum serie volumus pervenire, quod cum Chyel comes filius Ervyn de Calnuk et Teel filius Ebl de Brasu cognatus eiusdem grata nobis semper et laudabilia servitia in diversis expeditionibus nostris, [S. 111] quas suo loco et tempore nos facere oportuit et specialiter in castro Feketeuholm, cum omni fidelitate laudabiliter impendissent, nos ob merita servitiorum suorum contuleramus eidem Teel per se quandam terram seu villam Herbordi vaivodae, videlicet inter duos fluvios Kykullu, ubi iidem fluvii coniunguntur, adiacentem, et alteram quandam terram Zanchalteluky vocatam, vicinam seu contiguam terrae seu villae supra dictae. Sed postmodum idem Teel dictas terras ex nostra permissione seu voluntate reliquit et vendidit eidem Chyel comiti cognato suo possidendas pleno iure. Nos igitur consideratis meritoriis servitiis ipsius Chyel comitis praedictas terras tum pro eo, quod easdem dictus Chyel eomes ex nostra permissione ab eodem Teel dignoscebatur comparasse, tum etiam pro eo, quod easdem terras et pro servitiis ipsius Chyel comitis praefato Teel contuleramus, sicut superius est expressum, reliquimus et dimisimus eidem Chyel comiti et suis heredibus heredumque suorum successoribus perpetuo possidendas, sine iuris praeiudicio alieni, cum pertinentiis et utilitatibus suis ac sub eisdem veteribus et antiquis metis, sub quibus hae eaedem terrae deguerunt. In cuius rei memoriam firmitatemque perpetuam praesentes eidem Chyel comiti concessimus literas duplicis sigilli nostri munimine roboratas. Datum per manus magistri Benedicti praepositi Orodiensis ecclesiae, aulae nostrae vicecancellarii dilecti et fidelis nostri, anno ab incarnatione domini M^o. C. C^o. LXX^o primo, regni autem nostri anno secundo.


1) Raum für S leer gelassen. ^{^}