Urkunde Nr. 1262 aus Band III

Seite im UB:

4-5

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 68.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1262

1391 März 21 König Sigmund bestätigt für die Stadt Hermannstadt die Urkunde des Königs Ludwig I. von 1370 Nr. »939, betreffend die Abgaben der Hermannstädter Kaufleute für den Schiffsverkehr zwischen Ofen und Wien und den Wagenverkehr zwischen Hermannstadt und Böhmen, betreffend ferner die den genannten Kaufleuten auf der Handelsstrasse zwischen Ofen und Zara beziehungsweise Dalmatien zukommende Freiheit von allen Leistungen, ausgenommen die Dreissigstgebühren in Ofen.

Sigismundus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Regum et principuni praefulgentius attollitur decor et ornatus, dum populi sibi subiecti eorum libertatibus ab olim eis attributis illibate confoventur, ut in eorum multitudine regia dignitas glorietur, iidem numero et fidelitate ferventius augmententur. Proinde ad universorum notitiam harum serie volumus pervenire, quod fideles nostri iudex, iurati seniores consules et universi cives civitatis nostiae Cybiniensis suis et aliorum fidelium incolarum nostrorum scilicet mercatorum ibidem commorantium in personis nostrum adeuntes conspectum exhibuerunt nobis quasdam literas privilegiales olim excelsi principis domini Lodouici regis Hungariae patris et soceri nostri carissimi laudandae memoriae suo novo authentico et ultimo sigillo consignatas, limitationem solutionis cuiusdam tributi moderative in se continentes tenoris infra scripti, supplicantes exinde maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro ipsis ac eorum successoribus perpetuo valituras dignaremur confirmare. Quarum tenor talis est. (Folgt die Urkunde des Königs Ludwig I. von 1370 Nr. »939.) Nos igitur humillimis et devotis supplicationibus praefatorum iudicis, iuratorum consulum seniorum ac civium nostrorum nominibus quibus supra subiective per eosdem nostrae oblatis [S. 5] maiestati regia benignitate exauditis et clementer admissis praefatas literas privilegiales ipsius quondam domini Lodouici regis non abrasas, non cancellatas nec in aliqua sui parte vitiatas, sed prorsus omni suspicionis vitio destitutas praesentibusque de verbo ad verbum insertas quoad omnes earum continentias et clausulas acceptamus, approbamus et ratificamus, eas nihilominus requirente eorundem fidelium civium nostrorum fidelitatis constantia de praelatorum et baronum nostrorum consilio praematuro simul cum limitatione praemissae tributariae solutionis per eosdem fideles cives nostros ut puta mercatores Cybinienses modo quo supra fiendae superius in earum tenoribus limpidius expressa nostra auctoritate regia pro ipsis fidelibus civibus nostris mercatoribus scilicet Cybiniensibus ac eorum heredibus et successoribus universis innovantes perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Johannis permissione divina archiepiscopi ecclesiae Strigoniensis locique eiusdem comitis perpetui ac aulae nostrae reginalisque maiestatum summi cancellarii dilecti nostri et fidelis, anno domini millesimo CCC^mo nonagesimo primo, duodecimo Kalendas mensis Aprilis, regni autem nostri anno quinto.
Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinale et almae ecclesiae Quinqueecclesiensis gubernatore ac eodem domino Johanne ipsius ecclesiae Strigoniensis, Lodouico Colocensi, Petro Jadrensi, Andrea Spalatensi et altero Andrea Ragusiensi archiepiscopis, Johanne Waradiensi, Petro Transsiluano, Johanne Zagrabiensi, Stephano Cykow Agriensi, Johanne Jawriensi, Petro Waciensi, Johanne Boznensi, Demetrio Wesprimiensi, Johanne Chenadiensi, Gregorio Nitriensi, Grisogono Traguriensi, Francisco Scardonensi, Paulo Tininiensi, Johanne Nonensi, Matheo Sibinicensi, Nicolao Corbauiensi et Johanne Seniensi ecclesiarum episcopis ecclesias dei feliciter gubernantibus. Magnificis viris Stephano regni¹⁾ nostri palatino et iudice Comanorum, Ladislao vaivoda Transsiluano et comite de Zolnuk, comite Emerico Bubek iudice curiae nostrae, Detrico similiter Bubek regnorum Sclauoniae, Dalmaciae et Croaciae, Stephano de Lossonch Machouiensi, Nicolao de Peren Zewriniensi banis, Nicolao de Kanisa tavarnicorum, Lewstachyo de Ilswa ianitorum, Georgio de Chythnik dapiferorum, Johanne de Peren pincernarum eodemque domino Stephano palatino agasonum nostrorum magistris, Stiburio de Styborchych comite Posoniensi aliisque quampluribus regni nostri comitatus tenentibus et honores.


1) Hierauf durchgestrichen: patri [unterpunktet].^{^}