Urkunde Nr. 1251 aus Band II

Seite im UB:

647-648

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1251

Weissenburg 1390 Mai 29 Ladislaus, Vikar des siebenbürgischen Bischofs, bezeugt, dass Gregor, Sohn Johanns von Bethlen, an Mathias, den Sohn Michaels von Talmesch, Besitz in der Stadt und im Stadtgebiet Bistritz abgetreten hat.

[S. 648] Nos Ladizlaus archidiaconus de Ozd, venerabilis in Christo patris domini Petri miseratione divina et sedis apostolicae gratia episcopi Transsiluani vicarius in spiritualibus generalis significamus tenore praesentium quibus expedit universis, quod cum secundum continentiam priorum literarum nostrarum modum et formam nostri iudicii exprimentium nobilis vir Mathias filius Michaelis de Tholmach contra nobilem virum Gregorium filium Johannis de Bethlen per idoneos et sufficientes testes coram nobis in iudicio probare debuisset immo probasset cum effectu, ut domina Margaretha consors sua filia videlicet quondam Martini magni in ultimo suo testamento quartam suam filialem ac dotem et res paraphernales suas in possessionibus quondam Jacobi magni avi sui sibi cedentes necnon homagium seu homicidium eiusdem Jacobi magni ac in possessionibus Martini magni patris sui Ench ac in duabus villis utrisque Borgo nuncupatis similiter quartam suam filialem ac dotem et res paraphernales suas iure naturae et regni consuetudine sibi cedentes necnon omnia alia bona sua et res suas quaslibet cuiusvis nominis vocabulo vocitatas sibi legasset et reliquisset ac auctoritate nostra iudiciaria praemissas duas quartas filiales, duas dotes et res paraphernales necnon bona et res supra dictas pure et plene ac iuridice ab eodem Gregorio filio Johannis idem Mathias filius Michaelis reobtinuisset, tandem recepta nostra licentia iudiciaria per placitationem et compositionem proborum nobilium virorum in praemissis se taliter concordasse retulerunt et concordarunt coram nobis, ut praenominatus Gregorius filius Johannis pro praelibatis duabus quartis filialibus ac duabus dotibus et rebus paraphernalibus aliisque bonis et rebus supra tactis necnon pro omnimoda et perpetua satisfactione earundem tredecim curias, tres vineas, tria feneta, quadraginta sex iugera terrarum arabilium suas in civitate Biztricia et in territorio eiusdem existentes cum earum utilitatibus et pertinentiis quibuslibet ad ipsas spectantibus praefato Mathiae filio Michaelis et eius successoribus perenniter dedisset ac assignasset ac dedit et assignavit coram nobis perpetuo et irrevocabiliter possidendas, tenendas pariter et habendas totum ius et dominium proprietarium earundem curiarum, vinearum, fenetorum et iugerum in memoratum Mathiam filium Michaelis et eius posteritates plene et integre transferendo. Ipse autem Mathias filius Michaelis super praemissis praefatum Gregorium filium Johannis et eius posteros et nos auctoritate nostra iudiciaria reddidimus expeditos pariter et quietos vigore praesentium mediante hoc tamen non praetermisso, ut quandocumque temporum in processu idem Mathias filius Michaelis aliqua necessitate praeveniente compulsus praelibatas hereditates sibi deditas et assignatas vendere vel pignori obligare voluerit tunc nulli alteri nisi eidem Gregorio filio Johannis aut eius posteritatibus in valore condigno vendendi et impignorandi habebit facultatem. Datum Albae, in octavis festi Penthecostes, anno domini millesimo CCC^mo nonagesimo.