Urkunde Nr. 1248 aus Band II

Seite im UB:

646-647

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1248

Ofen 1390 April 20 König Sigmund verleiht dem Magister Semyanus, Sohn Symons von Tuzson, die Besitzung Kleinlasslen.

Von der Kanzlei: Relatio Dragh vaivodae.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendamus tenore praesentium significantes quibus expedit universis, quod nos qui ex innata nobis liberalitate et munificentia regali cunctorum fidelium nostrorum subditorum grata obsequia in regalibus praecordiis iusto libraminis pondere pensamus consideratis ac in nostrae maiestatis memoria revolutis praeclaris fidelitatibus, laude dignis obsequiis ac siDceris et virtuosis complacentiis, quibus fidelis noster dilectus nobilis vir magister Semyanus filius Symonis de Tuson in nonnullis nostris et regni nostri negotiis sub diversitate locorum et temporum non parcendo suis rebus nostrae maiestati toto suo conamine studuit complacere, recensentes nihilominus sinceritatis zelum fideique inviolabilem constantiam, quem et quam idem magister Semyanus ad sacrum regni Hungariae diadema ac ad nostram necnon serenissimae principis dominae Mariae inclitae dictorum regnorum reginae consortis nostrae carissimae celsitudines a dudum gessit et gerere toto nisu anhelat in futurum, dignum itaque arbitratur nostra serenitas, ut eundem magistrum Semyanum praemissorum intuitu regalibus donis et gratiosis favoribus prosequamur. Habita igitur matura deliberatione una cum memorata domina Maria regina consorte nostra amantissima ac de beneplacita voluntate eiusdem fideliumque nostrorum praelatorum et baronum consilio quandam possessionem nostram regalem Zenthlasclo vocatam in comitatu de Kukelew situatam ad castrum nostrum Wywar appellatum pertinentem sequestrantes et eximentes eandem a dominio et iurisdictione castri eiusdem ipsam simul cum universis eiusdem pertinentiis seu attinentiis earundemque commoditatibus et utilitatibus ut puta terris cultis et incultis, silvis, nemoribus, pratis pascuis, molendinis, aquis aquarumve decursibus, rivulis et ceteris quibusvis integritatibus quomodolibet vocitatis sub eiusdem veris metis et antiquis per nostram claritatem et pristinos earundem possessores tentis, possessis et servatis praefato magistro Semyano filio Symonis de Tuson suisque heredibus et posteritatibus universis de manibus nostris regiis novae nostrae donationis titulo ac omni eo iure, quo dicta possessio Zenthlasclo eiusque pertinentiae nostrae rite incumbunt [S. 647]collationi, dedimus, donavimus et contulimus, immo damus, donamus et conferimus perpetuo et irrevocabiliter possidendam, tenendam pariter et habendam salvo iure alieno. Praesentes autem cum nobis in specie fuerint allatae in formam nostri privilegii redigi faciemus. Datum Budae, feria quarta proxima ante festum beati Georgii martyris, anno domini millesimo CCC^o nonagesimo.