Urkunde Nr. 1243 aus Band II

Seite im UB:

640-641

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 57.

Druckvorlage:

nach Original

Abdruck als:

Volltext

Sprache:

Latein

---

1243

Temeswar 1390 Januar 16 ^a) König Sigmund verbietet den vierundzwanzig Zipser Städten und der Stadt Kaschau die Verletzung der von König Ludwig I. den Hermannstädter Kaufleuten verliehenen Freiheiten.

Von der Kanzlei: Relatio domini Petri episcopi Transsiluani.

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis universis civibus et hospitibus viginti quatuor civitatum in territorio nostro Scepusiensi ac iudici iuratisque civibus in Cassa salutem et gratiam. Gravi querela fidelium nostrorum universorum mercatorum ac civium nostrorum de Cybinio nostra [S. 641] serenitas intellexit, quod dum ipsi cum mercimoniis et rebus ipsorum more aliorum mercatorum per regni nostri climata transeundo ad tenutas, possessiones et dominia vestra seu vestri in medium devenirent ibique literas serenissimi principis domini Lodouici regis Hungariae indelendae memoriae genitoris nostri carissimi ipsis mercatoribus et civibus nostris praedictis super nonnullis libertatibus et praerogativis seu gratiis mercantiae ipsorum datas et concessas coram vobis et vestri in medio producerent et offerrent, tunc vos easdem literas tamquam invalidas renueretis acceptare ac eas in suo robore seu firmitate observare penitus non velletis, immo ipsos mercatores et cives nostros praefatos contra libertates ipsorum eisdem in praemissis domini Lodouici literis datas in itinere et mercantia ipsorum multipliciter impediretis et per vestros impediri faceretis ipsos in personis et rebus ipsorum ut plurimum arestando in grande ipsorum praeiudicium et contemptum dictarum domini Lodouici regis literarura valde magnum. Curaque paternis vestigiis inhaerendo praefatas literas domini Lodouici in suo robore et firmitate solida omnino permanere velimus ac eas per subditos nostros quoslibet decernamus inviolabiliter observari, fidelitati igitur vestrae firmissimis damus regiis in mandatis, quatenus a modo et in antea praefatos mercatores et cives nostros de Cybinio contra memoratas literas domini Lodouici patris nostri ac libertates in ipsis literis pro parte eorundem civium nostrorum contentas impedire seu perturbare nullatenus praesumatis, sed easdem potius in cunctis earum clausulis et articulis sub obtentu nostrae gratiae inviolabiliter observare debeatis et per vestros observari penitus faciatis. Alioquin transgressores earundem veluti nostrarum contemptores literarum per regalem excellentiam merito punientur. Praesentes autem post lecturam reddi volumus praesentanti. Datum in Themeswar, proximo die dominico post octavas epiphaniarum domini anno M^o. CCC^o nonagesimo.

Unter dem Siegel: Relatio domini Petri episcopi Transsiluani.


a) Ausstellungsort im UB als: Temesvar.^{^}