Urkunde Nr. 1210 aus Band II

Seite im UB:

606-607

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73780 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 257.

Druckvorlage:

nach Original

Abdruck als:

Volltext

Sprache:

Latein

---

1210

1386 September 20 Das Weissenburger Kapitel bezeugt, dass Johann, Sohn Salomons von Kelling, dem Magister Stephan, Sohn Lukas' von Gyogy, seinen gesammten Besitz an Haustieren und an Silber- und Hausgerät vermacht hat.

[S. 607] Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod cum nos ad instantem petitionem nobilis viri Johannis filii Salomonis de Kelnek discretos viros dominos Ladislaum cantorem et alium Ladislaum socios et concanonicos nostros, coram quibus suum conderet testamentum, duxissemus transmittendos, tandem exinde ad nos reversi concorditer et unanimi voce nobis retulerunt in hunc modum, quod idem Johannes filius Salomonis licet aeger corpore, sanum tamen per omnia habens intellectum et compos suae mentis coram ipsis et aliis nobilibus viris ac dominabus ad hoc specialiter vocatis et rogatis videlicet Stephano filio Martini de Tathe, Luca nobili de Beld, Stephano filio Lucae de Dyog, domina consorte eiusdem domina Katherina puella sibi subarrata et domino Luca presbytero capellano eorundem nobilium de Dyog in remedium et salutem animae suae ac parentum suorum inter alias dispositiones et testamentarias ordinationes tale fecisset et condidisset testamentum, quod ipse omnes res suas mobiles et immobiles videlicet equacias, oves, boves, porcos et quaelibet animalia sua necnon omnia vasa sua argentea scilicet scutellas, urceos, cocliaria, baltea, piccaria ac omnia utensilia domus suae quocumque nomine vocentur eidem magistro Stephano filio Lucae ob amorem specialis proximitatis et beneficiorum per eundem sibi impensorum commisisset et legasset. Datum in vigilia beati Mathei apostoli et evangelistae, anno domini millesimo CCC^mo octoagesimo sexto. Honorabilibus et discretis viris Ladislao praeposito doctore decretorum, Ladislao cantore, Petro custode et Petro archidiacono de Clus decano canonicis ecclesiae nostrae existentibus.