Urkunde Nr. 1230 aus Band II

Seite im UB:

626-628

Heute in:

St. Florian, Stiftsbibliothek

Heutige Signatur:

III, 3.

Druckvorlage:

nach Original

Abdruck als:

Volltext

Sprache:

Latein

---

1230

Kronstadt 1388 Juli 26 Notar Stephan, Pfarrer in Rosenau, bezeugt für Theodoricus, den [Frauenbacher /] Nagybanyaer Schulrektor und ehemaligen Kronstädter Schullehrer, die Aussagen über dessen Leumund in Kronstadt.

[S. 627] In nomine domini amen. Eiusdem anno M^o. CCC^o LXXXVIII^o., indictione XL, sexto Kalendas Julii, pontificatus sanctissimi in Christo patris ac domini, domini Vrbani divina Providentia papae VI anno suo decimo,¹⁾ in domo habitationis dotis ecclesiae parochialis sanctae Mariae civitatis Brasschov, in stuba maiori hora quasi XIII. honorabilis vir Theodoricus quondam scolarium succentor in Corona, nunc vero in Riuulo dominarum scolarium rector in mei publici notarii ac plurimorum fide dignorum praesentia personaliter constitutus proponendo, quomodo quidam dominus Tylo conventor²⁾ ecclesiae in Byrthelwin ipsum non causante merito coram venerabili viro domino Petro plebano in praedicto Riuulo dominarum ac iudice et senioribus eiusdem in factis pestiferis et gestis turpibus confusionisque immunditia graviter defamasset sibique obiiciendo, quod ipse praedictus Theodoricus propter multifarios et nefarios suos excessus litium, gewrrarum, dissensionum de praedicta civitate Corona tamquam homo malificus depulsus et fugatus exstitisset sic, quod numquam in ipsam civitatem Coronam amplius redire neque reverti praesumeret, et inter cetera ipsum Theodoricum etiam in facto furationis unius breviarii libri participem fore inculpasset. Ob hanc igitur suae laudabilis famae et vitae denigrationem acquirendo et inveniendo recuperationis accrementum ipse tamquam homo iustus et de praemissis defamationibus immo immunis ad ipsam civitatem Coronam reversus fuisset ac redigisset,²⁾ plene et integre per octo dies in ipsa civitate Corona hominibus publice conversando permansisset diligentissime auscultando, utrum aliquis eum in aliquo facto litigioso nefario vel sinistro vellet seu haberet inculpare. Illi utique ipsum incusanti coram³⁾ quovis iudice ordinario de singulis sibi obiectis et imputandis praesto esset responsurus. Inferens²⁾ nemo ipsum inculpasset neque inculparet sicque se de praemissa infamia sibi per praedictum dominum Tylonem suum criminatorem minus iuste illatam honorifice expurgavit suae iustitiae laudabile et fide dignum perhibendo testimonium. Honorabiles viros et dominos videlicet dominum Vitum quondam in Corona viceplebanum ac dominum Johannem Puncz, Mathiam Rasoris, dominum Nicolaum Karge dictum, dominum Jacobum Fullen pro tunc capellanos in Corona cum ceteris fide dignis coram me productis, facto silentio ipsos omnes et singulos in mera caritate et veritate rogans, veluti ipsi salutem ipsius crucifixi summi redemptoris in futurum adoptarent et ab eo aeternam retributionem simul consequi sperarent, ut quilibet ipsorum ad infra scriptum articulum ab eis per me interrogandum veritatem diceret in quantum de hoc sciret, non causa odii, irae vel invidiae neque amoris, dilectionis vel favoris obmutesceret veritatem. Interrogans utrum praetactus Theodoricus ad scitum ipsorum in facto alicuius dissensionis, litis vel gewrrae aut aliorum sinistrorum factorum in praemissa civitate Corona aliquam haberet culpam exhortationis, iussionis vel consilii aut consensus, assensus vel auxilii. Ad praemissum articulum ipsi praedicti capellani cum ceteris testibus fide dignis [S. 628] unanimiter responderunt dicentes, quod ad fidem ipsorum deo debitam saepe dictum Theodoricum in omnibus his ab ipsis requisitis numquam culpam habuisse, sed tempore, quo personam ipsius agnovissent, numquam sinistrum aliquod factum egisse, per quod laudabilem suam vitam et famam denigrasset vei maculasset, et ad scitum ipsorum praenominatus Theodoricus de civitate Corona honorifice recessisset. Sed Bohemus quidam Paulus dictus absque scitu, iussu vel voluntate ipsius Theodorici quandam litem in Corona suscitasset et post hanc litem clandestine recessisset. Ad quod testimonium audiendum praefatus dominus Tylo criminator praelibati Theodorici vice prima, insuper vice altera per idoneos exstitit vocatus, qui renuit venire neque voluit interesse. Insuper recognoscendo significo, quod eundem dominum Tylonem coram domino Thoma plebano in Corona Brasschouiensique decano et universis capellanis suis diligenter interrogavi et ab eo requisivi, utrum saepius nominatum Theodoricum in facto furationis seu participationis breviarii sui in aliquo suspectum haberet. Qui ait quod de quodam Paulo Bohemo haberet suspicionem, sed Theodoricum in nullo incusaret, nam ipsum furationis breviarii sui immunem sciret et innocentem. Acta sunt haec in Corona praedicta, anno, indictione, Kalendis, hora et loco quibus supra, praesentibus honorabilibus viris et discretis, domino Melchiore praedicatore in Corona, fratre Johanne ordinis Cisterciensis rectore capellae sanctae Katherinae in praedicta Corona, Bartholomeo presbytero ac Michaele presbytero de villa Rosarum, magistro Jacobo notario civitatis Coronae, Johanne Benczkoni concivi de Kasschav, Johanne Schisdorf, Clemente de Lipnicz, Nicolao de Genowicz, Vincencio, quondam rectore scolarium in Bistricio et aliis multis testibus fide dignis ad praemissa specialiter vocatis et rogatis.

Notarzeichen Et ego Sthephanus Heynczimanni in villa Rosarum plebanus diocesis Strigoniensis sacra imperiali auctoritate notarius publicus praemissis protestationibus praesens interfui et omnia sic fieri vidi et audivi ac praesens publicum instrumentum propter trepidationis manuum defectum per alium notarium scriptum signoque meo solito cum nomine signavi requisitus et vocatus in testimonium praemissorum.


1) Von pontificatus bis hierher über der Zeile nachgetragen.^{^}
2) So Vorlage. [3x].^{^}
3) Vorlage: quorum.^{^}