Urkunde Nr. 1221 aus Band II

Seite im UB:

617-618 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1221

Ofen 1387 November 26 König Sigmund verbietet Emerich, dem Bischof von Siebenbürgen, die Einmischung in die der Stadt Klausenburg zustehende Gerichtsbarkeit.

Sigismundus dei gratia rex Hungariae, Dalmaciae, Croaciae et cetera marchioque Brandemburgiae et cetera fideli suo venerabili in Christo patri domino Emerico episcopo ecclesiae Albensis partis Transsiluanae salutem et gratiam. Dicitur nobis providorum virorum iudicis, iuratorum civium et universorum hospitum nostrorum de Koloswar in personis, quomodo vos adiudicationes ipsorum consuetas et ab antiquo approbatas retraheretis et reiudicaretis vice versa asserentes, quod ipsae iudicationes factum ecclesiasticum seu testamentarium tangere dignoscerentur. Et quia nos ipsos cives nostros in ipsorum libertatibus et consuetudinibus bonis, in quibus ipsos illustris princeps dominus Lodouicus indelendae memoriae pater noster carissimus rex Hungariae praedictae¹⁾ conservavit, volumus uti et gaudere, ideo vestram paternitatem praesentibus requirimus eidemque damus in mandatis, [S. 618] quatenus ipsos cives nostros in nullis causis exceptis causis ecclesiasticis seu testamentariis iudicare vel vestro iudicatui compellere quoquomodo praesumatis, sed ipsos magis in ipsorum iuribus conservare debeatis. Et hoc idem iniungimus futuris episcopis dictae ecclesiae Albensis partis Transsiluanae firmis similibus sub praeceptis. Praesentes autem¹⁾ post lecturam semper reddi iubemus praesentanti. Datum Budae, secundo die festi beatae Katherinae virginis et martyris, anno domini millesimo trecentesimo octuagesimo septimo.

Unter dem Siegel: Deliberatio baronum.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 617, 1 auf S. 618.^{^}
[S. 617]
1) Vorlage: praedicti.^{^}
[S. 618]
1) Vorlage: aut.^{^}