Urkunde Nr. 1217 aus Band II

Seite im UB:

613-614

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1217

Ofen 1387 Juni 6 König Sigmund bestätigt die Urkunde der Königin Maria von 1383 Nr. »1174 mit der Urkunde des Königs Ludwig I. von 1369 Nr. »929, betreffend die Rechte der Sachsen in den Stühlen Mediasch, Markt- und Kleinschelken.

Nos Sigismundus dei gratia rex Hungariae, Dalmaciae, Croaciae et cetera ac marchio Brandenburgensis et cetera memoriae commendantes tenore praesentium significamus quibus expedit universis, quod discretus vir dominus Petrus plebanus de Seelk necnon Johannes de Medyes fideles nostri suis et universorum fidelium Saxonum nostrorum duarum sedium partium Transsiluanarum in personis ad nostrae maiestatis venientes praesentiam exhibuerunt nobis quasdam literas privilegiales serenissimae principis dominae Mariae dicti regni Hungariae inclitae reginae contoralis nostrae praecarae privilegium paternum tenorem cuiusdam privilegii quondam illustris domini Karoli regis divae memoriae praedecessoris nostri super variis libertatum et gratiarum praerogativis Saxonibus ipsarum duarum sedium olim per eundem factarum et concessarum emanati exprimens et ratificans in se confirmative continentes tenoris subnotandi, supplicantes exinde nostrae humillime nominibus quibus supra maiestati, ut easdem literas reginales approbare et acceptare nostrisque literis patentibus de verbo ad verbum redigi faciendo pro ipsis ac eorundem fidelium nostrorum Saxonum sobolibus innovantes perenniter dignaremur valituras confirmare. Quarum tenor is est. (Folgt die Urkunde der Königin Maria von 1383 Nr. »1174 mit der Urkunde des Königs Ludwig I. von 1369 Nr. »929.) Nos itaque praetaxatis humillimis et iuri consonis ipsorum Saxonum nostrorum fidelium supplicationibus nostrae [S. 614] pro eisdem, ut est praehabitum, oblatis maiestati regali benignitate exauditis clementer et admissis, consideratis potissime ipsorum eximiis fidelitatibus et fidelium servitiorum uberimis meritis per ipsos sacro regio diademati et eisdem regiae et reginali maiestatibus et per consequens nobis iugiter et laudabiliter temporibus opportunis impensis, praetaxatas literas ipsius reginalis maiestatis consortis scilicet nostrae praecarae privilegiales, omni prorsus suspicionis vitio destitutas meraque integritatis plenitudine praepollentes praesentibusque verbotenus sine diminutione et augmento insertas quoad omnes earum continentias et clausulas de maturo consilio praelatorum et baronum nostrorum ex unanimique consensu et sanctione eorundem simul cum ante fatis libertatum in earundem tenore superius latius explicatarum gratiosis praerogativis acceptamus, approbamus et ratificamus easque et ex certa mera potestate, scientia nostrae maiestatis pro ipsis nostris fidelibus Saxonibus duarum sedium eorumque heredibus et posteritatibus universis innovantes perpetue valituras confirmamus praesentium literarum nostrarum patentium patrocinio mediante. Praesentes tandem nobis allatas privilegialiter emanari faciemus pro eisdem. Datum Budae, in festo sanctissimi corporis Christi, anno domini millesimo trecentesimo LXXX^o septimo.