Urkunde Nr. 1204 aus Band II
- Seite im UB:
- 600-601
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Klausenburg [Primăria Oraşului Cluj] (Inventar 1ff.).
- Druckvorlage:
- nach Original
- Abdruck als:
- Volltext
- Sprache:
- Latein
1204
Ofen 1385 November 17 Königin Maria verspricht die Aufrechthaltung aller der Stadt Klausenburg zustehenden Freiheiten. Orig. Perg. Stadtarchiv Klausenburg. Siegel, rund, Durchmesser 9.5 Centimeter, war in weisses Wachs auf der Rückseite aufgedrückt.
Druck: Jakab, Oklevéltár (
») I, 102.
Nos Maria dei gratia regina Hungariae, Dalmaciae, Croaciae et cetera notum facimus universis quibus incumbit per praesentes, quod fideles nostri Nicolaus iudex et Hench dictus Nemes cives civitatis nostrae de Koloswar suis et aliorum universorum civium et hospitum nostrorum de eadem in [S. 601] personis in nostrae celsitudinis venientes conspectum nostrae humiliter supplicarunt maiestati, ut sicut nos alios regni nostri Hungariae regnicolas sic non minus ipsos in illis libertatibus et praerogativis quibus iidem et eorum praedecessores a temporibus sanctorum et aliorum Hungariae regum nostrorum scilicet divorum praedecessorum usi fuissent et gavisi indemniter tenere et absque novitate conservare dignaremur. Nos igitur considerata illa inviolabili fidelitatis constantia, qua iidem fideles cives nostri et eorum praedecessores dictis sanctis et aliis Hungariae regibus praesertim olim excelso principi domino Lodouico regi Hungariae beatae memoriae genitori nostro tandemque nobis et regno nostro cura pervigili et omni fidelitatis studio praefuisse et nunc constanter existere perhibentur, ipsis et cuilibet eorum promittimus, spondemus et pollicemur harum literarum nostrarum testimonio, ut ipsos et quemlibet in omnibus his libertatibus, immunitatibus et libertatum praerogativis, quibus iidem et eorum praedecessores a temporibus dictorum sanetorum et aliorum Hungariae regum signanter tempore ipsius olim patris nostri perstitissent et perseverassent, sine novitate aliqua indemnes et illaesos conservabimus ac tenebimus quiete et pacifice perpetuo et irrevocabiliter gavisuros et fruituros praesentium testimonio mediante. Datum Budae, feria sexta proxima post festum beati Briccii confessoris, anno domini millesimo trecentesimo octoagesimo quinto.