Urkunde Nr. 1183 aus Band II

Seite im UB:

581-583 ^a)

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 19.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1183

1383 Juli 22 Das Grosswardeiner Kapitel schaltet die Urkunde der Königin Maria von 1383 Nr. »1181 ein, bezeugt die Einführung des Bischofs Goblinus und Genossen in den Besitz von Hamlesch, Grossdorf, Grabendorf, Budenbach und Krebsbach, und beschreibt die Grenzen dieser Besitzungen.

Capitulum Waradiensis ecclesiae universis et singulis Christi fidelibus praesentibus pariter et futuris praesentem paginam inspecturis salutem in domino sempiternam. Ad universitatis vestrae notitiam tenore praesentium deducimus, quod nos literas serenissimae principis dominae Mariae dei gratia reginae Hungariae, Dalmaciae, Croaciae et cetera dominae nostrae reverenter reperimus in haec verba. (Folgt die Urkunde der Königin Maria von 1383 Nr. »1181.) Nos itaque mandatis ipsius Mariae reginae cupientes obedire ut tenemur una cum praedicto magistro Stephano filio Lucae de Gyog nomine suo virum discretum magistrum Johannem de Posega socium et concanonicum nostrum ad praemissam possessionariam reambulationem metarumque erectionem nostrum hominem duximus pro testimonio destinandum. Qui demum ad nos exinde reversi nobis concorditer retulerunt, quod ipsi feria quarta videlicet in festo divisionis beatorum apostolorum nunc praeterito¹⁾ et aliis diebus ad huiusmodi negotium peragendum sufficientibus ad faciem praetactae possessionis Omlas ac praedictarum villarum Olachalium ad ipsam possessionem Omlas spectantium vicinis et commetaneis earundem universis inibi legitime convocatis et praesentibus accedendo ipsas possessiones per suas veras antiquas metas, novas iuxta veteres in locis necessariis erigendo modo infra scripto reambulassent et ab aliorum possessionariis iuribus separando et sequestrando, praelibato domino Gublino episcopo ac fratribus et sororibus eiusdem iure eis attinenti easdem possessiones reliquissent et assignassent perpetuo possidendas nemine penitus inibi contradictore reambulationi infra scriptae apparente. Metae autem praenominatae possessionis Omlas et quatuor praedictarum villarum Olachalium ad eandem pertinentium, ut in registro eorundem reginalis et nostri hominum vidimus exinde nobis deportato contineri, hoc ordine haberentur. Primo enim inciperet inter praedictam possessionem Omlas et Appoldiam superiorem, duas antiquas metas in colle montis vulgo berch dicto secus viam quae transit versus septentrionem ab occidente reperientes novam iuxta eas erexissent, et ab eisdem in dicta via versus septentrionem transeundo iuxta eandem viam [S. 582] in latere dicti collis unam cursualem metam novam et procedendo ulterius penes eandem viam aliam novam metam erexissent. Abhinc relinquendo dictam viam ad dexteram et procedendo in latere praedicti montis unam novam metam erigentes et divertentes ad occidentem aliam metam terream penes antiquam, quae distinguit inter Omlas, Appoldiam superiorem et Appoldiam inferiorem, cumulassent, et deinde transeundo a parte dictae inferioris Appoldiae versus orientem saliendo unam viam a parte inferiori eiusdem unam novam metam et abhinc descendendo versus eundem orientem unam novam metam secus veterem posuissent, et dehinc modicum descendendo circa viam publicam caderet in quendam rivulum et in meatu eiusdem descenderet in alium rivulum Helsiph vulgariter Wrdugpataka vocatum, ubi unam novam metam terream erexissent, et ab eadem versus septentrionem gradiendo iuxta eundem rivulum usque ad fluvium Omlas dictum unam novam metam distinguentem inter Omlas et inferiorem Appoldiam praedictas et Firsthyndorph. Inde ascendendo versus orientem secus dictum fluvium Omlas a parte septentrionali unam metam terream distinguentem inter easdem Omlas et Fyrsthyndorph, quae terra est Mathyae, et de eadem Appoldia ulterius ascendendo versus septentrionem super unum monticulum unam metam iuxta veterem et abhinc ascendendo magis et transeundo¹⁾ viam publicam in parte superiori super alium monticulum aliam metam terream cumulassent, dehinc autem eundo versus septentrionem prope iuxta tres antiquas metas unam novam confodissent, inde autem versus eandem plagam ascenderet ad verticem montis iuxta duas antiquas metas inter Omlas, Appoldiam inferiorem et Fyrsthyndorph unam novam metam, et ab eadem eundo per bonum spatium in eodem monte aliam cursualem metam et ab eadem procedendo in colle eiusdem montis ad unum monticulum in eodem unam novam metam et ulterius vergendo ad orientem in vertice eiusdem montis unam metam penes antiquam et dehinc modicum descendendo in eadem plaga et obmittendo viam ad partem dextram unam metam cursualem et ab eadem magis infra aliam novam metam iuxta veterem erexissent, et ulterius versus orientem unam metam novam et ab eadem descendendo quasi super monticulum iuxta parvam vallem unam metam et deinde magis descendendo aliam metam et ab eadem ultra unum fluvium siccum unam metam et ab eadem descendendo ad rivulum Wecherd dictum ultra et penes eundem unam metam et ab eadem ascendendo in valle ad orientem in rivulo sicco et ulterius in vertice montis similiter novam metam et ab eadem scandendo ad cacumen eiusdem montis, quod dicitur Pinkesthalm, quae distingueret inter easdem Omlas, Appoldiam inferiorem et Schaporcha et ab eodem versus meridiem in vertice ipsius montis procedendo duas metas cursuales post sese erexissent, abhinc procedendo in nemore super unum monticulum unam metam, inde ascendendo in eodem nemore versus meridiem in vertice montis metam novam et ab eadem descendendo in eadem plaga similiter unam metam et ab eadem ascendendo ad monticulum Nykusberk alio nomine Mycloshege similiter unam metam erexissent, et ulterius procedendo versus meridiem in vertice eiusdem montis in silva unam metam et ab eadem in [S. 583] eadem plaga in quodam nemore aliam metam novam confodissent, deinde autem descendendo in valle et per unam viam divertendo quasi ad orientem in ascensu montis alterius unam metam et inde magis supra aliam metam in dictis nemoribus erexissent. Abhinc eundo in vertice eiusdem montis in nemore unam metam secus veterem distinguentem inter Omlas, Chaporcha et Chirnauoda confodissent, abhinc eundo a parte eiusdem Chirnauoda versus meridiem prope viam unam metam et ab eadem in eodem nemore et plaga aliam metam et tandem ultra unum berch similiter unam metam novam renovassent iuxta antiquam. Et deinde descendendo ad partem quasi meridiei penes dictam viam unam metam et ab eadem iuxta eandem viam eundo inter occidentem et meridiem prope unam metam novam et tandem similiter non procul aliam metam erexissent, a qua verteretur ad meridiem in parvo spatio penes viam praedictam duas metas novas, quarum unam pro parte possessionis Omlas in circuitu arboris querci et aliam a parte villae Feketewyz vocatae cumulassent, quae metae distinguunt inter Chirnauoda, Nogfalu et Feketheuyz. Inde descenderet quasi ad occidens hiemale in latere montis unam metam et dehinc veniendo ad rivulum Kyschyruad dictum et transeundo eundem prope in campo duas metas terreas, quarum una possessionem Nogfalu et alia Feketheuyz separarent, erexissent. Abhinc in eadem plaga ultra meatum aquae Ciruod Olahorum iuxta unam antiquam metam aliam novam et ab eadem eundo per bonum spatium quasi ad meridiem secus viam iuxta aliam metam antiquam similiter novam metam et ab eadem in modico spatio etiam novam metam iuxta veterem et dehinc in eadem plaga usque fluvium Feketheuyz, penes quem iuxta semitam Olachorum duas metas novas separantes praedictis possessionibus Nogfalu et Feketheuyz confodissent. Et abhinc transeundo eundem fluvium ad fossatum Bouum alio nomine Tysgrab, per quod eundo ad semitam Olachorum unam metam cursualem et ab eadem ascendendo montem quasi ad meridiem aliam metam secus veterem et ab eadem descendendo per unum berch iuxta aliam antiquam metam novam et ab eadem descendendo ad collum monticuli, sub quo unam metam cursualem posuissent. Inde ascendendo ad pedem montis ultra fluvium Budenbach duas novas metas unam a parte praescriptae villae Cripzbach et aliam pro parte villae Feketheuyz et Varalya erexissent. Et abhinc ascendendo ad alpes metae inter Crypzbah, Feketheuyz et Waralya terminantur. In quorum omnium praemissorum testimonium praesentes literas nostras privilegiales concessimus appensione sigilli nostri communitas. Datum in festo beatae Mariae Magdalenae, anno domini M hoch>o CCC^mo octuagesimo tertio praedicto. Viris discretis dominis Greorgio praeposito, Petro lectore, Stephano cantore et Jacobo custode canonicis ecclesiae nostrae salubriter existentibus et devote.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 581, 1 auf S. 582.^{^}
[S. 581]
1) Juli 15.^{^}
[S. 582]
1) Vorlage: transiendo.^{^}