Urkunde Nr. 1180 aus Band II

Seite im UB:

578-579

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 19.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1180

Ofen 1383 Juni 1 Königin Maria beauftragt das Grosswardeiner Kapitel, bei der Einführung des Bischofs Goblinus und Genossen in den Besitz von Hamlesch, Grossdorf, Grabendorf Budenbach und Krebsbach mitzuwirken.

Maria dei gratia regina Hungariae, Dalmaciae, Croaciae et cetera fidelibus suis capitulo Waradiensi salutem et gratiam. Cum nos quandam possessionem nostram regalem Omlas vocatam in terra nostra Transsiluana inter sedes nostras Cybinyensem et Zeredahel vocatas situatam cum quatuor villis Olachalibus videlicet Grozdorph alio nomine Galusdorph ac Graphyndorph, Budynbah et Cripzbah vocatis necnon omnibus earum utilitatibus et pertinentiis universis venerabili in Christo patri domino Goblino episcopo ecclesiae Albensis Transsiluanae ac discreto viro domino Leoni archidiacono eiusdem ecclesiae cathedrali necnon Henchmanno et Christiano fratribus eiusdem domini episcopi uterinis ac per ipsos dominabus Katherinae et Dorotheae sororibus ac puellae similiter Katherina vocatae nepti ipsorum pro fidelibus servitiis praedictorum domini Goblini episcopi et fratrum suorum mediantibus aliis literis nostris in perpetuum novae donationis nostrae titulo duxerimus conferendas, ipsasque in dominium earundem legitime velimusfacere introduci, fidelitati igitur vestrae firmiter mandamus, quatenus vestrum mittatis hominem pro testimonio fide dignum, quo praesente Petrus filius Martini de Tathe aut Bako de Myhalchfalua sive Nicolaus de Ludas sin Stephanus filius Lucasii de Gyugh aliis absentibus homo noster ad faciem praedictae possessionis Omlas ac villarum Olachalium vicinis et commetaneis earundem universis inibi legitime convocatis et praesentibus accedendo, introducat praefatum dominum Gublinum episcopum ac fratres et sorores eiusdem in dominium [S. 579] earundem statuatque ipsas eidem domino episcopo necnon fratribus et sororibus suis praedictis sub praemisso novae donationis nostrae titulo perpetuo possidendas, si non fuerit contradictum. Contradictores vero si qui fuerint, citet ipsos contra annotatum dominum Goblinum episcopum in nostram praesentiam ad terminum competentem, rationem contradictionis ipsorum reddituros, et post haec ipsius possessionariae introductionis et statutionis seriem vel nomina contradictorum et citatorum si qui fuerint cum termino assignato nobis fideliter rescribatis. Datum Budae, in festo beati Nicomedis martyris, anno domini M^o. CCC^mo octuagesimo tertio.