Urkunde Nr. 1160 aus Band II

Seite im UB:

557

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73771 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 241.

Druckvorlage:

nach Original

Abdruck als:

Volltext

Sprache:

Latein

---

1160

Weissenburg 1382 Juli 4 Ladislaus, Vikar des siebenbürgischen Bischofs, bezeugt, dass für Johann, den Sohn Salomons von Sebes minor, an Michael, den Pleban von Mühlbach, die auf dem Landstrich Zengewrghatara lastende Pfandsumme abgezahlt worden ist.

Nos magister Ladislaus archidiaconus de Ozd venerabilis in Christo patris domini Goblini dei et apostolicae sedis gratia episcopi Transiluani vicarius generalis significamus tenore praesentium quibus expedit universis, quod cum Johannes filius Salamonis de Sebes minori discreto viro domino Michaeli plebano de Sebes maiori iuxta continentiam literarum nostrarum compositionalium in facto testamentariae per Konch civem de Sebes praedicta dispositionis factae capellae sancti Jacobi in eadem Sebes constructae de redemptione cuiusdam particulae terrae Zengewrghatara vocatae, per ipsum Salamonem patrem ipsius Johannis eidem Konch impignoratae in duabus octavis videlicet in octavis festi nativitatis beati Johannis baptistae¹⁾ et in octavis beati Michaelis archangeli²⁾ sese immediate consequenter affuturis centum et quinquaginta florenos, quadraginta grossis computando persolvere debuisset coram nobis, tandem eisdem octavis beati Johannis baptistae¹⁾ occurrentibus in persona ipsius Johannis filii Salamonis praedicti magister Stephanus filius Lucae de Dyog tutor et defensor eiusdem Johannis praedictos centum et quinquaginta florenos non exspectando praedictas octavas beati Michaelis²⁾ velut terminum pro secunda solutione per nos deputatum praefato domino Michaeli persolvit coram nobis, decimam vero et nonam nostram de eisdem pecuniis communiter persolverunt, ratione quarum solutionum praedicti testamenti per praedictum Stephanum persolutarum saepe fatum Johannem filium Salamonis reddimus expeditum pariter et quietum vigore praesentium mediante. Datum Albae, quarto die octavarum nativitatis beati Johannis baptistae praedictarum, anno domini M^mo CCC^mo LXXX^mo secundo. [S. 558]


1) Juli 1. [2x]^{^}
2) Oktober 6. [2x]^{^}