Urkunde Nr. 1153 aus Band II

Seite im UB:

549-550 ^a)

Druckvorlage:

nach Original

Abdruck als:

Volltext

Sprache:

Latein

---

1153

Thorenburg 1382 Januar 19 Ladislaus, Woiwode von Siebenbürgen, bezeugt, dass Johann, Beche und Stephan von Fürstenburg und Johann von Zuckmantel einerseits, ferner Nikolaus von Fürstenburg andererseits einen Vergleich geschlossen haben, betreffend die Zahlung von 50 Mark und die Erfüllung mehrerer anderer Verpflichtungen seitens des genannten Nikolaus von Fürstenburg.

Nos Ladislaus vaivoda Transsiluanus et comes de Zonuk memoriae commendamus, quod cum nobis una cum senioribus ac proceribus regni pro quodam colloquio seu negotio regni expediendo die dominico proximo post festum beati Anthonii confessoris¹⁾ Tordae existentibus Beche filius Johannis et Stephanus filius Ladislai de Hydueg necnon Johannes filius Jacobi de Chekmatul in persona Johannis filii Johannis filii Ladislai de dicta Hydueg in nostram et dictorum seniorum et nobilium veniendo praesentiam, Nicolaum filium Benedicti de iam dicta Hydueg coram nobis repertum captivari faciendo huiusmodi verborum querulis significare curaverunt, quod praefatus Nicolaus eundem Johannem filium Ladislai fratrem ipsorum et cognatum una cum Michaele filio Pechenye in domo cuiusdem iobagionis sui in praefata possessione Hydueg repertum ex postconcepta rancoris malitia habito inter se iuramento miserabili nece interemisset omni sua sine culpa. Ideo ipsi eundem Nicolaum non principalem interfectorem seu homicidam iam dicti Johannis sed participem comprobare vellent. Et hoc ibidem exhibitione duarum literarum inquisitionalium capituli ecclesiae Albensis et nostrarum evidenter comprobabant petentes nos in praemissis eidem puero iustitiae aequitatem elargiri. Cum nos una cum eisdem senioribus et proceribus regni partibus in praemissis Judicium et iustitiam facere voluissemus, mox eisdem partibus se in eadem causa ad pacis reformationem postulantibus nobisque admittentibus demum ac eaedem partes ad nostram et dictorum seniorum et nobilium redeuntes praesentiam pari voluntate consonaque voce per compositionem et ordinationem plurimorum proborum et nobilium virorum taliter se concordasse retulerunt et concordarunt coram [S. 550] nobis, quod praefatus Nicolaus filius Benedicti pro sua emenda et expeditione eidem Johanni filio Johannis quinquaginta marcas denariorum marcam quamlibet pro centum grossis computando dare assumpsisset et assumpsit coram nobis tali modo, quod quia dictam summam pecuniae ad praesens persolvere non posset, ideo ipse pro eadem summa pecuniae portionem suam possessionariam in dicta possessione Hydueg vocata habitam eidem Johanni tamdiu donec cum suis propriis denariis sed non aliorum redimere posset obligasset, immo obligavit nostri in praesentia tali tamen conditione mediante, quod idem Nicolaus, donec sibi vita comes exstiterit,¹⁾ numquam residentiam in eadem villa Hidueg facere possit neque de suo equo descendere valeat in eadem, hoc non praetermisso quod si idem Nicolaus praevia ratione aliquam litem vel questionis materiam suscitaret vel cum eodem Michaele consortium faceret, et hoc idem Johannes filius Johannis ac sui fratres et cognati evidenti documento aliquali comprobare possent, tunc adversus ipsum Johannem filium Johannis in capitali sententia convinceretur ipso facto. Et insuper ubicumque dicti Johannes filius Johannis, Beche, Stephanus et alter Johannes hospitium haberent vel descensum, nequaquam in eorum medio accedere deberet, sed si iidem Johannes et alii praedicti vel alter eorum in hospitium dicti Nicolai casu contingenti accederent, ex tunc dictus Nicolaus de eorum medio recedereconeretur, ad quod idem Nicolaus sponte se obligavit coram nobis. Datum die et loco praenotatis, anno domini M^o CCC^o LXXX^o secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 549, 1 auf S. 550 (dortige 2-3 zu nachfolgender Urkunde).^{^}
[S. 549]
1) Januar 19.^{^}
[S. 550]
1) Vorlage: existeterit. ^{^}