Urkunde Nr. 1094 aus Band II

Seite im UB:

491

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 1176 - Abt. 37: K. A. Reps [Parohia Ev. CA Rupea], Nr. 1.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1094

Hatvan 1378 April 29 König Ludwig I. bestätigt die durch Peter, den Sohn Georgs von Johannisdorf, und Ladislaus, den Sohn Emerichs von Eppeschdorf, an den Famulus Nikolaus gemachte Schenkung.

Nos Lodouicus dei gratia rex Hungariae, Poloniae, Dalmaciae et cetera notum facimus universis praesentes literas inspecturis, quod Lad[islaus filius]¹⁾ Emerici filii Emerici de Ebesfalua comitatus de Kykullew ad nostram accedens praesentiam nobis significavit, quomodo olim Petrus filius Greorgii de Zenth Iwan frater suus patruelis unam sessionem cum suis utilitatibus in dicta Zenth Iwan habitis Nicolao filio Petri famulo suo, et tandem ipse Ladislaus filius Emerici tertiam [partem proven]tuum¹⁾ duorum molendinorum in dicta Zenth Iwan decurrentium eidem Nicolao mediantibus literis capituli ecclesiae Transsiluanae condonassent, supplicans nobis prece humili et devota, ut praemissae provisioni possessionariae modo quo supra eidem Nicolao factae nostrum favorem adhibere dignaremur. Nos itaque petitionibus dicti Ladislai inclinati [pensatis etiam]^{1) 2)} fidelitatibus et servitiis suis ac etiam ipsius Nicolai, quibus nobis studuerunt complacere, iam dictae possessionariae donationi ut est praehabitum dicto Nicolao factae³⁾ nostrum regium consensum praebemus et assensum ipsamque sessionem cum suis utilitatibus ac tertiam partem reddituum ipsorum duorum molendinorum eidem Nicolao in perpe [tuam concedim]us¹⁾ hereditatem absque praeiudicio iuris alieni. Datum in Hothuon, feria quinta proxima post festum beati Georgii martyris, anno domini millesimo CCC^mo LXX^mo octavo.


1) Urkunde teils durchlöchert, teils die Schrift geschwunden. [4x].^{^}
2) a in etiam, dann der Abkürzungsstrich, darüber sind noch sichtbar.^{^}
3) Vorlage: factis.^{^}