Urkunde Nr. 1087 aus Band II

Seite im UB:

483-484

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1087

Ofen 1378 Januar 24 König Ludwig I. beauftragt den Woiwoden beziehungsweise Vizewoiwoden von Siebenbürgen mit dem Schutze der den Klausenburger Kaufleuten in Siebenbürgen zustehenden Freiheit von Abgaben.

Lodouicus dei gratia rex Hungariae, Poloniae, Dalmaciae et cetera fidelibus suis vaivodae vel vicevaivodae Transiluano nunc et pro tempore constitutis et in futurum constituendis salutem et gratiam. Ex querimonia fidelium civium ac hospitum nostrorum de Clusuar per comitem Nykus concivem ipsorum nostrae maiestati porrecta ad nostram audientiam pervenit, quod nonnulli comites, castellani, officiales, nobiles, ecclesiarum rectores possessionatique ac alii cuiusvis conditionis homines in eisdem partibus Transiluanis ubique tribnta habentes et eorum tributarii seu officiales specialiter autem episcopus ecclesiae Transiluanae contra privilegiatam ipsorum libertatem per pios progenitores nostros eis ob fidelitatis eorum sinceritatem mediantibus suis literis privilegialibus coram nobis in specie exhibitis ac etiam per nos gratiose concessam de rebus et mercibus dictorum civium nostrorum, dum iidem vel aliquis ex eisdem ad loca tributorum ipsorum [S. 484] pervenerint, tributum¹⁾ ab eis exigendo ipsos nimium perturbarent et molestarent. Unde cum nos eosdem cives nostros de Clusuar in libertatis eorum praerogativa illaese conservare velimus, fidelitati vestrae firmo edicto regio praecipientes mandamus, quatenus omnes illos in exactione tributorum praedictos cives nostros et quemlibet ipsorum contra formam praemissae gratiae impedientes et in locis tributorum suorum ubique in partibus Transiluanis ab ipsis tributa exigentes compescendo huiusmodi tributa ab ipsis exigere seu extorquere nullo modo permittatis, sed ipsos in libertatibus ipsorum conservare et defensare debeatis nostra auctoritate mediante. Praesentes autem penes eosdem cives nostros volumus post lecturam permanere. Datum Budae, die dominico proximo ante festum conversionis sancti Pauli apostoli, anno domini M^o CCC^o LXX^mo octavo.

Unter dem Siegel: Relatio Petri Zudor bani.


1) Hierauf durchgestrichen: exe.^{^}