Urkunde Nr. 1080 aus Band II

Seite im UB:

474-476 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1080

Kaschau 1377 Juni 28 König Ludwig I. bezeugt den Verlauf der Hattertgrenzen der Besitzungen Grossenyed und Toroczko.

Nos Lodouicus dei gratia rex Hungariae, Poloniae, Dalmaciae et cetera memoriae commendamus tenore praesentium significantes quibus expedit universis, quod cum nos fide et fidelitate fidelium et dilectorum baronum nostrorum videlicet venerabilis in Christo patris domini Demetrii episcopi Zagrabyensis aulae nostrae cancellarii et viri magnifici domini Nicolai de Zeech regni nostri Croaciae bani incunctanter nobis nota confisi pro nonnullis dirimendis causis incolarum nostrorum partis Transsiluanae et eorundem factis reformandis, ad erigendum etiam metas necnon iura nostra regalia¹⁾ a iuribus ecclesiarum et nobilium ac iura ecclesiarum et eorundem nobilium a iuribus nostris regalibus sequestrandum seu separandum pro commodo et quiete perpetua ipsorum regnicolarum nostrorum eosdem ad iam dictas partes Transsiluanas cum mera nostra regia auctoritate suffultos transmisissemus, iidem dominus Demetrius episcopus et Nicolaus de Zeech banus, prout per ipsos informamur, inter alia ibidem incumbentia negotia tum ad devotae supplicationis honorabilis capituli ecclesiae Albensis Transsiluanae instantiam, tum etenim ad humillimam petitionem Nicolai et Ladislai filioram Stephani de Torozko, item Andreae et Nicolai filiorum Akws nobilium de eadem ad facies possessionis dicti capituli Enyed vocatae et possessionis eorundem nobilium Torozko praenotatae vicinis et commetaneis earundem universis inibi legitime convocatis et praesentibus accedendo terras et territoria earundem, super quibus inter ipsum capitulum ab una et eosdem nobiles de Torozko parte ab alia litis materia diutius fuisset ventillata, nemine penitus discrepante et nullo inibi contradictore apparente, immo praemissis partibus concordantibus et benevole consentientibus per novarum metarum erectiones [S. 475] hoc ordine ab invicem separassent, quod primo a duabus metis in quodam berch erectis possessiones nobilium Gyogy vocatam et ipsius capituli Enyud praedictam ab invicem separantibus incipiendo et per ipsum berch ad partem sinistram in vallem ascendendo in fine ipsius berch in loco videlicet, ubi quidam duo fluvii Tarkwpataka et Zarwazewpataka vocati insimul caderent et ex ipsis duobus fluviis unus fluvius Enyudpataka appellatus efficeretur, inter dictos duos fluvios Tarkwpataka et Zarwaskwpataka nuncupatos tres metas terreas erexissent, quarum una possessioni¹⁾ nobilium Gyogy alia possessioni¹⁾ dicti capituli Enyud et tertia possessioni¹⁾ nobilium Torozkow praedictis separarent. Abhinc per ipsum fluvium Enywdpataka vocatum descendendo et ipsum fluvium pro partium metis relinquendo et in quendam locum seu terram pascualem vulgariter nyarlo dictum perveniendo et ibi dicto loco nyarlo vocato integraliter a parte dextra praefato capitulo remanente et de ipso fluvio ibidem ad partem sinistram exeundo penes eundem fluvium in loco videlicet, ubi unus alter fluvius Gywlapataka vocatus in dictum fluvium Enyudpataka nominatum caderet, duas metas terreas erexissent. Deinde ipsum fluvium Gywlapataka vocatum transsaliendo et versus plagam aquilonarem videlicet inter plagas orientalem et septentrionalem ad spatium iactus unius lapidis super quandam semitam supra transeundo unam metam terream cursualem, dehinc ad plagam orientalem supra ascendendo in dorso cuiusdam montis ad dictum locum nyarlo tendentis duas metas terreas, posthaec ad eandem plagam orientalem paulisper eundo in latere cuiusdam montis unam metam terream cursualem. Abhinc ad eandem plagam orientalem per bonum spatium eundo in planitie cuiusdam montis unam metam terream cursualem, tandem ad ipsam plagam orientalem parum pergendo et quandam unam siccam vallem transsaliendo prope eandem vallem unam metam terream cursualem, abinde paululum ad dictam plagam orientalem supra procedendo in collo cuiusdam acuti montis dicto capitulo remanentis duas metas terreas erexissent, ad quas idem acutus mons distaret ad spatium unius sagittae emissionis. Abinde per ipsum collum in magnam vallem, in qua unus rivulus existeret et quae vallis gravem haberet descensum ad plagam septentrionalem infra tendendo et ipsum rivulum transsaliendo ac per eandem vallem supra ad dictam septentrionalem plagam ascendendo in alio collo alterius montis duas metas terreas deinde ad quosdam tres petrinos seu lapideos montes, uno videlicet monte altiore dictis nobilibus de Torozko, aliis autem duobus residuis inferioribus seu minoribus montibus dicto capitulo remanentibus penes ipsos montes dicto capitulo remanentes ad dictam septentrionalem plagam tendendo pervenisset directe ad fluvium Torozko, ubi circa ipsum fluvium duas metas terreas, postremo ipsum fluvium transsaliendo et inter duos lapideos montes videlicet inter montem Zaadkw ad alium montem, qui proprius existit ad ipsum montem Zaadkw, supra ad plagam septentrionalem tendendo in berch inter ipsos duos lapideos montes habito unam metam terream erexissent angularem. Ultimo abinde per idem berch inter plagas septentrionalem et occidentalem declivo modo tendendo pervenisset ad tres metas terreas antiquas supra quendam puteum in dorso eiusdem berch positas, [S. 476] quarum una capitulo praedicto, alia episcopo Transsiluano et tertia nobilibus de Torozko separarent, quas de dictarum partium bona voluntate renovassent et sic metae possessionis ipsius capituli Enyed praedictae ac possessionis nobilium Torozko annotatae terminantur. Praesentes autem in formam nostri privilegii redigi faciemus, dum nobis fuerint reportatae. Datum Cassouiae, die dominico proximo ante festum beatorum Petri et Pauli apostolorum, anno domini M^o CCC^mo septuagesimo septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 474, 1 auf S. 475.^{^}
[S. 474]
1) Vorlage: regali.^{^}
[S. 475]
1) Vorlage: possessionem [3x].^{^}