Urkunde Nr. 1075 aus Band II

Seite im UB:

464-471 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1075

Neumarkt am Mieresch 1377 Mai 24 ^b) König Ludwig I. bezeugt den Verlauf der Hattertgrenzen der Stadt Klausenburg.

[S. 465] Nos Lodouicus dei gratia rex Hungariae, Poloniae, Dalmaciae et cetera memoriae commendamus tenore praesentium significantes quibus expedit universis, quod in congregatione nostra generali universitati nobilium et alterius status hominum partium Transsiluanarum per certos et fideles barones nostros videlicet venerabilem in Christo patrem dominum Demetrium episcopum Zagrabiensem aulae nostrae cancellarium et virum magnificum dominum Nicolaum de Zeech regni nostri Croaciae banum ex speciali nostrae maiestatis edicto in octavis festi Pascae domini¹⁾ pro observanda uni cuique iustitia Tordae celebrata Nicolaus filius Thomae iudex et Nicolaus filius Johannis Hossonsarch civis civitatis nostrae Cluswara suis et universorum civium ac hospitum nostrorum civitate nostra de eadem ipsis ad eorundem baronum nostrorum venientibus²⁾ praesentiam eisdem humiliter supplicassent, quod quia ipsi super facto reambulationis metarum praefatae civitatis nostrae ex speciali nostra commissione olim per quendam dominum Benedictum archidiaconum de Pankata capellanum nostrum et Stephanum filium Pusa homines nostros speciales per nostram maiestatem tunc ad hoc transmissos erectarum literas seu instrumenta propter quaedam tunc incumbentia impedimenta emanari facere nequivissent, ideo iidem barones nostri alios homines nostros regios ad reambulandum terras et territoria praedictae nostrae civitatis iuxta cursus dictarum metarum per praenotatos speciales homines nostros erectarum transmitterent speciales. Cumque iidem barones nostri sicut ad devotae praefatorum iudicis, iuratorum et civium nostrorum civitatis nostrae praedictae supplicationis instantiam sic etiam ad humillimam nonnullorum nobilium commetaneorum scilicet dictae civitatis nostrae Cluswara petitionem nobiles viros videlicet Michaelem filium Kamaz de Zomlyn curiae nostrae notarium et Johannem dictum Bothus de Solywmkw unum ex iuratis assessoribus³⁾ praedictae nostrae congregationis fideles et speciales homines nostros ad hoc per ipsos barones nostros specialiter deputatos ad reambulandum terras et territoria annotatae civitatis nostrae Cluswara transmisissent. Qui demum ad eos reversi, prout per ipsos barones nostros exinde informamur, eisdem concorditer retulissent, quod praedicti homines nostri in festo beati Georgii martyris nunc praeterito⁴⁾ ad facies praefatarum terrarum et territoriorum iam dictae civitatis nostrae Cluswara vicinis et commetaneis eiusdem universis inibi legitime convocatis et praesentibus accedendo easdem terras et territorium per metas per ipsum quondam dominum Benedictum archidiaconum et Stephanum filium Pousa ut praemisimus erectas hoc ordine reambulassent, quod primo in monte Flekhegy vocato inter plagas orientalem et meridionalem incepissent a quibusdam duabus metis primariis terreis olim per quendam dominum Ladislaum episcopum Wessprimiensem erectis, quae metae terras dictae civitatis nostrae et possessionis Nicolai de Gerend Banabyk vocatae ab invicem separarent. Abhinc paulisper ad plagam orientalem ad spatium scilicet iactus unius [S. 466] lapidis super eundem montem procedendo ad duas metas terreas pervenissent terras dictae civitatis nostrae et possessionis nobilium Rewd vocatae ab invicem separantes. Dehinc per ipsum montem parvum descendendo et directe ad eandem plagam orientalem tendendo venissent ad duas metas terreas, et deinde magis per dictum montem descendendo et ad eandem plagam orientalem parvum pergendo penes unam viam, super qua de dicta possessione Reud itur ad civitatem nostram Cluswara praedictam, venissent ad duas metas terreas. Abhinc dictam viam saliendo et paululum ad ipsam plagam orientalem pergirando ad duas metas terreas in latere unius montis erectas pervenissent, et dehinc per ipsum montem ascendendo et modicum ad eandem plagam orientalem transeundo venissent ad duas metas terreas, et deinde supra ipsum montem adhuc ad eandem plagam orientalem pergirando ad tres metas terreas pervenissent, quarum una civitatem nostram praedictam alia eandem possessionem Reud et tertia possessionem nobilium Gyurgfalwa vocatas ac terras earum sequestrarent et ab invicem separarent, ubi metae civitatis nostrae praedictae a parte eiusdem possessionis Reud terminarentur. Abhinc per ipsum montem per nemora modicum descendendo et ad eandem plagam orientalem tendendo penes unam viam, super qua de villa Ahton vocata itur ad civitatem nostram Cluswara praedictam, ad unam metam terream cursualem pervenissent terras ipsius civitatis nostrae et possessionis Gyurgfalwa praedictae ab invicem distinguentem. Deinde per eundem montem magis descendendo et ad dictam plagam orientalem per eadem nemora tendendo penes praedictam viam venissent ad unam metam terream cursualem, et dehinc per eundem montem adhuc descendendo et ad ipsam plagam orientalem pergendo penes unam magnam et publicam viam, super qua de dicta possessione Gyurgfalva itur ad civitatem nostram Cluswara praedictam, videlicet iuxta unum rivulum potak vulgariter dictum ad unam metam terream cursualem pervenissent. Abhinc dictam magnam viam saliendo et super aliam viam mediocrem, quae de ipsa magna et publica via exiret, ad plagam orientalem transeundo penes eandem mediocrem viam venissent ad unam metam terream cursualem. Deinde per ipsum montem Flekhegy vocatum descendendo et ad memoratam plagam orientalem tendendo in fine ipsius montis venissent ad duas metas terreas. Dehinc ad eandem plagam orientalem parvum procedendo et ad unum montem ascendendo, in cuius cacumine ad duas metas terreas pervenissent, et abhinc de cacumine ipsius montis descendendo et parvum ad eandem plagam orientalem tendendo penes unam viam, super qua de monte Flekhegy memorato itur ad possessionem Zamusfalua vocatam, pervenissent ad tres¹⁾ metas terreas, quarum una civitatem nostram et possessionem Gyurgfalwa praedictas tertia¹⁾ vero possessionem nobilium Zamusfalva vocatam et territorium ac terras earundem distinguerent et separarent, ubi metae civitatis nostrae praedictae a parte eiusdem possessionis Gyurgfalwa terminarentur. Abhinc parvum descendendo et adhuc ad eandem plagam orientalem tendendo in eodem monte ad unam metam terream cursualem pervenissent. Dehinc declinando inter plagas orientalem et septentrionalem transeundo et per praedictum montem infra descendendo in latere [S. 467] alterius montis ad unam metam terream cursualem pervenissent. Deinde inter easdem duas plagas transeundo et quandam vallem paludinosam pergirando penes unam viam, super qua de villa Patha vocata itur ad civitatem nostram Clvswara praedictam, super unum monticulum vulgariter domb dictum ad duas metas terreas pervenissent. Post boc per longum spatium ad plagam septentrionalem tendendo prope ipsam villam Zamusfalwa inter duos monticulos ad duas metas terreas pervenissent. Abhinc ad eandem plagam septentrionalem per parvum spatium pergendo et quendam rivulum Wasarrew alio nomine Sospatak appellatum a piscina dictae civitatis nostrae Cluswara effluentem transsaliendo penes unam magnam viam, super qua de eadem civitate nostra Cluswara itur ad dictam possessionem Zomusfalwa, ad duas metas terreas pervenissent, et deinde ad eandem plagam septentrionalem ad spatium iactus unius lapidis procedendo ex alia parte ipsius magnae viae ad unam metam terream cursualem pervenissent. Dehinc per parvum spatium ad eandem plagam septentrionalem tendendo prope fluvium Zamus vocatum supra transitum videlicet eiusdem fluvii ad duas metas terreas pervenissent, et abhinc per meatum ipsius fluvii in unam parvam insulam dicti fluvii intrando pervenissent ad unam metam terream cursualem, et deinde ad spatium emissionis unius sagittae ad eandem plagam septentrionalem in eadem insula procedendo ad unam aliam metam terream cursualem pervenissent. Dehinc de eadem insula exeundo praefatumque fluvium Zomos transeundo et ad ipsam plagam septentrionalem per unum¹⁾ tendendo sub quodam monte, in quo vineae essent plantatae,²⁾ ad unam metam terream pervenissent cursualem. Post haec ad eandem plagam septentrionalem tendendo et per ipsum monteni ascendendo venissent ad duas metas terreas. Abhinc ad ipsam plagam septentrionalem in eodem monte per parvum spatium eundo ad unam metam terream cursualem pervenissent. Dehinc ad eandem plagam septentrionalem supra ipsum montem transeundo et eundem montem paululum descendendo in quodam berch venissent ad duas metas terreas, et deinde per ipsum montem adhuc parvum descendendo et ad eandem plagam septentrionalem tendendo ad unam metam terream cursualem pervenissent. Abhinc declinando ad plagam orientalem flectendo prope quoddam magnum fossatum Bochtelekepataka vocatum ad unam metam terream cursualem pervenissent. Deinde in latere unius longae vallis a parte meridionali existentis ad eandem plagam orientalem per longum spatium transeundo supra unum monticulum venissent ad unam metam terream cursualem, et dehinc ad eandem plagam orientalem tendendo in latere cuiusdam montis penes quandam viam, super qua de ipsa civitate nostra Cluswara ad quandam terram ipsius civitatis nostrae Tarchahaza alio nomine Ondoteleke vocatam itur, ad duas metas terreas pervenissent, ubi metae civitatis nostrae Cluswara praedictae a parte eiusdem possessionis Zomusfalwa terminarentur. Propterea¹⁾ a dicta plaga orientali ad plagam meridionalem parvum declinando et ad spatium emissionis unius sagittae pergendo ad duas metas terreas pervenissent, quarum una ipsi civitati nostrae Cluswara et alia possessioni nobilium Zentmyklos [S. 468] vocatae distinguerent atque separarent. Abhinc super unum berch ad eandem plagam orientalera tendendo ad duas metas terreas pervenissent, et deinde supra ipsum berch per longum spatium eundo et ad eandem orientalem plagam tendendo in fine ipsius berch venissent ad duas metas terreas. Dehinc per ipsum berch descendendo ad eandem orientalem plagam parvum procedendo in quadam terra usuali ad unam metam terream cursualem pervenissent. Abhinc similiter ad eandem plagam orientalem parvum eundo penes praefatum fluvium Zomus directe in opposito capellae beatae virginis ultra ipsum fluvium Zamus in terra abbatiae de Clusmonostora constructae ad duas metas terreas pervenissent terras civitatis nostrae Clvswara et possessiones Zenthmyklos praedictarum sequestrantes, ubi metae civitatis nostrae Cluswara praedictae a parte eiusdem possessionis Zenthmyklos terminarentur. Postremo per ipsum fluvium Zomus vocatum per longum spatium iuxta cursum ipsius fluvii infra eundo et ipsum fluvium semper pro metis relinquendo ad unam metam terream, quae praefatam terram ipsius civitatis nostrae Clvswara Tharchahaza alio nomine Ondoteleke nuncupatam a parte possessionis nobilium Swk vocatae distingueret, pervenissent. Abhinc ad partem sinistram declinando et inter plagas septentrionales et occidentales ad unum montem per unum parvum fossatum modicum ascendendo in latere ipsius montis videlicet ex utraque parte ipsius fossati ad duas metas terreas pervenissent, et deinde per ipsum montem ascendendo et inter easdem duas piagas per bonum spatium eundo ad duas metas terreas pervenissent. Dehinc magis per ipsos montes inter easdem duas plagas ascendendo in eodem monte venissent ad unam metam terream cursualem. Abinde per ipsum montem inter easdem duas plagas magis ascendendo et in quodam magno berch ad bonum spatium transeundo venissent ad unam metam terream cursualem. Post hoc super ipsum berch inter dictas duas plagas transeundo ad duas metas terreas pervenissent, ubi metae civitatis nostrae praedictae a parte possessionis nobilium Swk ante dictae sequestrantes terminarentur. Et abhinc directe ad plagam occidentalem per longum et magnum terrarum spatium transeundo terrasque et territorium eiusdem civitatis nostrae in commetaneitate possessionis Johannis filii quondam Symonis bani Feyrd vocatae exeuntes propter absentiam ipsius Johannis tunc irreambulatas relinquendo, ad cacumen cuiusdam montis prope quendam fossatum Teulgyspatak vocatum existentis ascendendo ad duas metas terreas in cacumine ipsius montis erectas, quae ipsi civitati nostrae et possessioni abbatiae de Clusmonostora Kayantho vocatae distinguerent, pervenissent. Deinde per ipsum montem descendendo et ad dictam plagam occidentalem tendendo supra unum monticulum prope unam magnam vallem venissent ad unam metam terream cursualem. Dehinc ipsam vallem et quendam meatum aquae vulgariter patak dictum in ipsa valle habitum saliendo et ad eandem plagam occidentalem ad partem sinistram transeundo penes unum alium magnum meatum aquae similiter patak dictum, qui de nemore possessionis Kayantho praedictae exiret, ad unam metam terream pervenissent cursualem. Abhinc per unum meatum et quendam montem inter plagas meridionalem et occidentalem ascendendo ad unam magnam metam terream [S. 469] pervenissent, quae praedictis civitati nostrae et possessioni abbatiae Kayantho necnon possessioni nobilium Paapfalua vocatae distingueret, ubi metae nostrae civitatis praedictae a parte eiusdem possessionis Kayantho sequestrantes terminarentur. In quibus metis dominus frater Otho abbas monasterii ecclesiae beatae virginis praedictus contentus exstitisset et easdem benivole consensisset. Abhinc declinando directe ad plagam meridionalem paulisper eundo ad duas metas terreas pervenissent terras civitatis nostrae praedictae et eiusdem possessionis Paapfalwa ab invicem separantes. Deinde ad eandem plagam meridionalem parvum pergendo ad duas metas terreas pervenissent. Dehinc ad parvum spatium ad eandem plagam meridionalem in uno magno monticulo venissent ad unam magnam metam terream cursualem. Abinde similiter ad eandem meridionalem plagam parvum tendendo ad unam aliam magnam metam terream venissent cursualem. Deinde adhuc ad eandem plagam meridionalem similiter parvum eundo prope unum magnum meatum aquae patak dictum modo simili ad unam magnam metam terream cursualem pervenissent. Dehinc ad ipsam plagam meridionalem paululum procedendo ad unam metam ligneam terris circumfusam Tulfahatar appellatam pervenissent. Abhinc ad plagam occidentalem parvum pergendo in latere cuiusdam montis prope unam magnam viam ad duas metas terreas pervenissent. Dehinc per ipsum montem descendendo et dictam magnam viam saliendo ac parvum ad plagam occidentalem tendendo venissent ad unam metam terream cursualem. Deinde per quendam montem Andornokmaal vocatum descendendo et ad eandem plagam occidentalem parvum pergendo ad duas metas terreas pervenissent. Abhinc paululum ad dictam plagam occidentalem per praefatum montem Andornokmal recte in unum meatum aquae potak dictum intrando sub quodam monte lapidoso Kwbanya dicto ad duas metas terreas pervenissent, ubi metae civitatis nostrae praedictae a parte eiusdem possessionis Paapfalua sequestrantes terminarentur. Et cum ulterius ad reambulandum metas inter eandem civitatem nostram Cluswara et possessiones abbatiae praedictae Baach et Monostor vocatas separantes et distinguentes iidem Michael literatus filius Ramaz et Johannes dictus Bothwos homines nostri accedere voluissent, tunc Stephanus literatus notarius et procurator ipsius domini fratris Othonis abbatis ibi adhaerendo in persona ipsius domini sui in facto ipsarum metarum praefatum dominum abbatem sicut tempore erectionis iam dictarum metarum per ipsos quondam dominum Benedictum archidiaconum et Stephanum filium Pousa factae non contentasse sic et in praesenti contentari nolle asserendo contradictionis velamine obviasset. Ob quam contradictionem praefatus dominus Nicolaus banus volens easdem partes in facto ipsarum metarum per omnia concordare ad devotam petitionem iam dictarum¹⁾ partium se personaliter ad reambulandum easdem metas transtulit. Qui die dominico proximo ante festum Pentechosten nunc praeteritum,²⁾ ut per eundem informamur, praesentibus praefatis iudice et iuratis ac domino fratre Othone abbate iam dictas metas contentiosas isto ordine reambulassent, quod prima meta terrae ipsius civitatis [S. 470] nostrae et possessionum dictae abbatiae Bach et Monostor vocatarum incipit iuxta rivulum Papfaluapataka vocatum videlicet super praemissis duabus metis ultimis sub dicto monte lapidoso Kwbanya dicto erectis, quae metae terras civitatis nostrae praedictae a parte possessionis Papfalua sequestrarent et distinguerent, terra possessionis ipsius abbatiae Bach vocatae ibi a parte orientis dicti rivuli remanente. Deinde infra per cursum ipsius¹⁾ rivuli per magnum spatium eundo salit de eodem rivulo versus eandem plagam Orientalem, ubi inter ipsum rivulum et²⁾ quandam viam duas novas metas terreas erexissent. Abhinc per eandem viam versus dictam civitatem nostram Cluswara modo simili per bonum spatium tendendo venit ad fluvium Nadas, ubi in portu ipsius fluvii inter duas stratas duas metas terreas erexissent, ubi metae ipsius civitatis nostrae et possessionis abbatiae praedictae Bach vocatae terminarentur. Et dehinc ipsum fluvium transsaliendo vertitur versus meridiem directe tendendo ad unum montem, ubi in cacumine ipsius montis super vineas quadam magna via, super qua de villa Baach ad eandem Monostor itur, a parte occidentis remanente unam metam terream erexissent cursualem. Deinde per ipsum montem descendendo et versus eandem plagam meridionalem tendendo inter easdem vineas similiter unam metam terream cursualem erexissent. Dehinc iterum in planitie ad eandem plagam meridionalem tendendo unam metam terream erexissent cursualem, et abinde ad fluvium Zomus et per ipsum fluvium transsaliendo. et ad dictam meridionalem plagam tendendo prope ipsum fluvium duas metas terreas erexissent. Dehinc et³⁾ ad⁴⁾ eandem⁴⁾ meridionalem plagam tendendo retro quendam hortum⁵⁾ unam metam terream erexissent. Deinde ad eandem meridionalem plagam tendendo et ad finem villae ipsius abbatiae Monostor vocatae veniendo inter unam publicam viam et ipsum rivulum duas metas terreas erexissent. Dehinc ad ipsam plagam meridionalem supra ascendendo venit ad unum locum, ubi patibulum est erectum, cuius patibuli una statua nostrae praedictae civitati Cluswara et alia eidem possessioni Monostor pertinent. Abhinc supra per terras arabiles directe ad eandem plagam meridionalem tendendo in [ ]⁶⁾ terras unam metam terream erexissent cursualem. Dehinc ad eandem meridionalem plagam tendendo in quodam berch duas metas terreas erexissent. Abhinc supra vineam ipsius abbatis inter easdem vineas et terras arabiles ad eandem plagam meridionalem tendendo in uno angulo eiusdem vineae unam metam terream cursualem erexissent Deinde inter vineas et terras arabiles ad eandem meridionalem plagam tendendo in uno alio berch unam metam erexissent. Abinde iterum in quodam alio berch ad eandem meridionalem plagam pergendo duas metas terreas erexissent, et abhinc versus eandem plagam meridionalem eundo venit ad unam viam graminosam in quodam nemore existentem et per eandem viam ad quendam parvum rivulum, et eundem transeundo in latere [S. 471] cuiusdam montis unam metam terream erexissent cursualem, et deinde supra unam magnam viam ad eandem meridionalem plagam transeundo inter ipsam magnam viam et quoddam nemus similiter unam metam terream erexissent cursualem. Dehinc ad unum berch ad eandem meridionalem plagam supra tendendo et in nemore ad unum monticulum perveniendo duas metas terreas erexissent. Abhinc per ipsum monticulum descendendo et iterum ad alium monticulum per bonum spatium ascendendo in cacumine ipsius montis super unam viam unam metam terream erexissent cursualem. Abhinc directe ad eandem plagam meridionalem tendendo et ipsam viam saliendo et iterum ad eandem viam perveniendo super ipsam viam duas metas terreas erexissent. Postremo inter plagas meridionalem et occidentalem praedictam viam per bonum spatium pergendo venit ad tres ultimas metas terreas per eundem quondam dominum Ladizlaum episcopum Wessprimiensem olim erectas, quarum una terras et territorium dictae civitatis nostrae Cluswara alia possessionis Banabyky et tertia possessionis dictae abbatiae Monostor vocatae praedictarum ab invicem finaliter distinguerent atque sequestrarent. Et sic metae ipsius civitatis nostrae Cluswara a parte possessionum praefatae abbatiae et eorundem nobilium nemine penitus contradictore apparente sic per omnia praesentibus et commetaneis praedictis in facto omnium praemissarum metarum benevole concordantibus terminarentur. Datum in Zekulwasarhel, in festo sanctae trinitatis, anno domini millesimo trecentesimo septuagesimo septimo. Praesentes autem dum nobis fuerint reportatae in formam nostri privilegii redigi faciemus. Datum ut supra.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 465, 1 auf S. 466, 1-2 auf S. 467, keine auf S. 468, 1-2 auf S. 469, 1-6 auf S. 470.^{^}
b) Ausstellungsort im UB als: Neumarkt.^{^}
[S. 465]
1) April 5.^{^}
2) Vorlage: venientes.^{^}
3) Vorlage: assessorum.^{^}
4) April 24.^{^}
[S. 466>/pb>
1) So Vorlage. [2x]^{^}
<pb>467]
1) So Vorlage. [2x]^{^}
2) Vorlage: perlatatae.^{^}
[S. 469]
1) Orig. nach Angabe der Vorlage: dictorum.^{^}
2) Mai 10.^{^}
[S. 470]
1) Vorlage: ipsi.^{^}
2) Vorlage: in.^{^}
3) So Vorlage.^{^}
4) Vorlage: de eadem [2x].^{^}
5) Vorlage: ortum.^{^}
6) Lücke. Nach Angabe der Vorlage fehlen zwei Worte.^{^}