Urkunde Nr. 1042 aus Band II

Seite im UB:

438-439

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 33.

Druckvorlage:

nach Original

Abdruck als:

Volltext

Sprache:

Latein

---

1042

Moor 1375 November 12 Johann, Comes von Raab, verleiht den siebenbürgischen Kaufleuten das Recht, auf der über Kocs und Banhida nach Ofen führenden Strasse an den ihm gehörigen und ihm unterstehenden Abgabenstellen denselben Betrag wie die Ofner Kaufleute zu zahlen.

Johannes filius Thomae de Gwnyu,
comes Jauriensis.

Quia quidam mercatores partis Transiluanae ad nos venientes se ad telonia nostra et regalia apud nos habita versus Budam in via, quae ducit ad possessiones Kwch et Banhyda, in eundo et redeundo ipsorum mercimoniis promittunt transituros, ideo nos ipsis hanc gratiam duximus faciendam, ut quandocumque et quotiescumque iidem mercatores in eundo et redeundo ad loca tributorum regalium apud manus nostras habitorum et nostra propria hereditaria devenerint, ex tunc iidem mercatores de ipsorum rebus et mercimoniis non plus, veluti mercatores Budenses per eandem viam transeuntes de ipsorum bonis et mercimoniis tributa solvunt, sic et modo simili ipsi tributum solvere teneantur. Vobis itaque universis nostris tributariis [S. 439] loca tributorum regalium apud nos habitorum et nostra propria hereditaria tenentibus praecipimus per praesentes, quatenus quandocumque et quotiescumque praescripti mercatores partis Transiluanae, ut praemittitur, cum ipsorum rebus et bonis ad nos devenerint eosdem simul cum ipsorum rebus libere et pacifice exacto camerae prius ipsorum telonio iusto modo praemisso ipsis gratiose facto abire permittatis, et aliud contra formam nostrae gratiae non facturi. Datum in villa Moor, secundo die festi beati Martini confessoris, anno domini M^mo CCC^mo septuagesimo quinto.