Urkunde Nr. 987 aus Band II

Seite im UB:

386-387 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

987

Argisch 1372 Juli 15 Wladislaus, Woiwode der Walachei, verleiht dem Magister Ladislaus von Doboka die Besitzungen Schirkanyen, Venicze, Kucsulata, Heviz und Dak.

Wladislaus vaivoda Transalpinus, banus de Zerinio et dux novae plantationis terrae Fugaras notum facimus universis praesentibus et futuris, quod magister Ladislaus strenuus railes filius quondam Janus Meyster de Dobka nepos Myked bani noster consanguineus dilectus et fidelis cum esset liber factus ab excellentissimo principe Lodowico illustri rege Vngariae, adhuc nos semper eramus sub iugo et in gratia regis praedicti exercitum validum contra Torcos infideles et imperatorem de Tyrna in Bulgaria proclamare fecimus, ipse magister Ladislaus de Dobka strenuus miles supra dictus noster caro et sanguis in genitura nobiscum et cum exercitu nostro viriliter contra saevissimos et infideles Thorcos et imperatorem de Tyrna ipsosque invadendo properavit, actus militares, nobiles et honorificos ibidem exercendo propter fidem Christianitatis et gratiam serenissimi principis Lodowici regis Vngariae obtinentis ita, quod ipse Lasla Meister de Dobka in invasione infideles supra dictos causa omnipotentis dei gratia et regis praedicti caput¹⁾ suum causa timoris declinando retrorsum numquam movebatur, et cum tantam fidem semper in ipso Ladislao percepimus, vidimus et invenimus, ex parte domini nostri regis et nostri dedimus et assignavimus sibi propter huiusmodi servitia fidelia nobis semper exhibita et propter consanguinitatis annexionem qua ligati sumus forum dictum Scherkkengen situm in terra Fugaras prope Alt cum suis pertinentiis, item villam dictam Venecze, villam Koczalad, villam quae vocatur Calida aqua, villam Dogbka cum omnibus suis iuribus et pertinentiis, quemadmodum possidebant et in possessione habebant olim filii Barnabae, perpetue possidendum. Etiam ipsum Ladislaum de Dobka nostrum consanguineum dilectum, qui una nobiscum semper exstiterat fidelis et subiectus serenissimo principi Lodowico illustri regi Vngariae domino nostro naturali, investimus et perpetuamus in hereditatibus et possessionibus supra dictis fide nostra mediante tali conditione, si et quando ipsum Ladislaum de Dobka filium Janus Meyster de Dobka nepotem Myked bani praedictum contingeret transire universae carnis viam, Nicolaus filius ipsius Ladislai Dobka aut filia, quae post ipsum in vita remanserit aut remanserint, seu alter ipsorum et ab ipsis in posterum venientibus genitura praedictum forum videlicet Scherkkengen, villas et possessiones supra nominatas debent iure hereditario successorie perpetue possidere, quod sub iuramento fidei et ca- [S. 387] pitis nostri affirmamus omni revocatione semota, nec revocare valeamus et debeamus, sicut iuramento nostro concessimus et confirmavimus. Quam donationem sic fecimus nostro dilecto consanguineo Ladislao de Dobka eiusque successoribus perpetue cum eramus in gratia copiosa domini nostri Lodwici regis Vngariae. Quare supplicamus serenissimo domino nostro Lodwico illustri regi Vngariae domino nostro naturali eiusque successoribus, quatenus literas nostras praesentes in vigore suo confirment et corroborent et donationem nostram sic nostro dilecto consanguineo et fratri factam secundum quod praefertur confirment et stabilitent. Etiam nostris successoribus, qui in nostro vaivodatus dominio erunt successores, ac baronibus supplicamus et committimus similiter, ut literas nostras praesentes non violent nec revocent, ne iuramentum nostrum dirumpetur contra salutem et in detrimentum animae nostrae, et quod donatio nostra facta nostro dilecto consanguineo Ladislao de Dobka strenuo militi secundum quod in praesenti pagina continetur, quod servitiis fidelissimis apud nos meruit et eam donationem obtinuit, perpetue una cum suis successoribus praedictas possessiones possidere, etiam si nos vel aliquis successorum nostrorum in posternum literas nostras praesentes et donationem praesentem supra scriptam revocare intenderet, impedire, recipere vellet et praesenti chartae contradiceret et donationi, fiet super talem aut tales furor et indignatio dei, beatae virginis Mariae, omnium sanctorum, indignatio sanctorum regum Stephani, Ladislai et Emerici. In quorum omnium supra dictorum testimonium firmitatemque perpetuam praesentes literas nostras scribi et nostri maioris sigilli appensione fecimus roborari. Datum in arce Argies in nostra residentia, sub anno domini millesimo trecentesimo¹⁾ septuagesimo secundo, in die divisionis apostolorum proxime praeterito.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 zu S. 386 und 1 zu S. 387 (dortige 2 zu nachfolgender Urkunde).^{^}
[S. 386]
1) Vorlage: capud.^{^}
[S. 387]
1) Vorlage: tricesimo.^{^}