Urkunde Nr. 961 aus Band II

Seite im UB:

361-362 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 23.

Druckvorlage:

nach Original

Abdruck als:

Volltext

Sprache:

Latein

---

961

Ofen 1370 September 21 König Ludwig I. erlässt zu Gunsten der Hermannstädter eine Verordnung, betreffend die allen Kaufleuten, bei Zahlung des Dreissigst in Ofen, für den Handelsverkehr zwischen Ofen und Zara beziehungsweise Dalmatien gewährte Abgabenfreiheit.

Lodouicus dei gratia rex Hungariae fidelibus suis universis praelatis, baronibus, comitibus, castellanis, nobilibus et possessionatis hominibus specialiter banis Sclauoniae, Dalmaciae et Croaciae eorumque castellanis et officialibus tributa tam in terris quam super aquis a Buda usque Jadram habentibus in quibuslibet locis constitutis nostrisque et eorum tributariis quibus praesentes ostenduntur salutem et gratiam. Noveritis quod nos matura deliberatione cum domina regina genitrice nostra carissima ac praelatis et baronibus nostris praehabita eorundemque consilio volentes, ut ad partes regni nostri Dalmaciae et Croaciae, quas a tyrannicis nostrorum aemulorum manibus deo auxiliante recuperando sub nostra reduximus fidelitate pleno iure, omnibus mercatoribus regni nostri libera via pateat et secura regnumque nostrum Hungariae rebus maritimis et Dalmaciae locupletaretur²⁾ et exuberetur, statuimus committentes, ut omnes mercatores regni nostri Budenses quam alii res ipsorum mercimoniales cuiuscumque generis vel speciei existant sive sint servidagiae sive pedagiae seu vectura vel inductura aut portitura sive in curribus propriis vel appreciatis aut equis vel in dorso hominis aut equi quacumque causa venditionis seu commutationis de Buda in Dalmaciam deferentes aut de Dalmacia sive Jadra in Budam importantes tam in eundo quam in redeundo ab omni solutione tributi et tricesimae liberi habeantur et exempti excepta sola tricesima quam Budae solummodo et non alias exigendam decrevimus a rebus praenotatis. Quapropter fidelitati universitatis vestrae firmo regio sub edicto praecipientes mandamus, quatenus [S. 362] de omnibus rebus cuiuscumque generis speciei vel maneriei existant sive sint servidagiae sive pedagiae seu vectura aut portatura ut praefertur, quas cives et hospites nostri de civitate Zibiniensi Transiluana vel homines ipsorum de Buda versus Jadram vel de Jadra aut aliis Dalmaciae partibus versus Budam in curribus propriis vel appreciatis aut equis vel bobus sive in dorso hominis vel equi quacumque causa venditionis seu commutationis praesentium testimonio deferunt vel deferri faciunt, in eundo et redeundo nullum tributum nullamque tributariam exactionem praeter solutionem dictae nostrae tricesimae modo praehabito Budae facienda recipere et exigere aut exigi facere audeatis, secus sub poena nostrae gravissimae indignationis facere non ausuri in praemissis. Alioquin quicumque ex vobis huiusmodi statutis nostris et mandatis contracurrere aut secus facere ausu temerario praesumpserint et eisdem civibus Zibiniensibus in dictis ipsorum rebus damnum intulerint aliquale, tales regia severitate poena debita, quae contra hoc praesumentibus est imposita, incompascibiliter commisimus puniendos. Datum Budae, in festo beati Mathei apostoli, anno domini M^mo CCC^mo septuagesimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 361 (1 zu voranstehender Urkunde).^{^}

1) Oktober 6.^{^}
2) Vorlage: locupletur.^{^}