Urkunde Nr. 954 aus Band II

Seite im UB:

354-355

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 24.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

954

Szenicz bei Neusohl 1370 August 2 König Ludwig I. erlässt zu Gunsten der Kronstädter Kaufleute Nikolaus Seidlini, Johann Toyhan und Laurentius Seidlini eine Verordnung, betreffend den allen Kaufleuten, bei Zahlung des Dreissigst in Ofen, gewährleisteten abgabenfreien Handel von Kronstadt nach Zara und von Zara nach Kronstadt.

Lodouicus dei gratia rex Hungariae fidelibus suis universis praelatis, baronibus, comitibus, castellanis, nobilibus, officialibus et aliis cuiusvis dignitatis ac status hominibus tributa inter Jadram et Brassouiam ubilibet habentibus et tenentibus eorumque omnibus tributariis, quibus praesentes ostenduntur, salutem et gratiam. Noveritis quod nos una cum domina regina nostra genitrice carissima et praelatis ac baronibus nostris duximus ordinandum et committendum pro commodo regnorum nostrorum et suorum incolarum diligenti praehabita deliberatione, ut universi mercatores et viatores cum rebus mercimonialibus procedentes a solutione tributorum ab eorum mercimoniis de eadem Brassouia in Jadram et de ipsa Jadra in Brassouiam deferendis cuiuscumque generis existant facienda in via Jadrensi liberi et¹⁾ absoluti prorsus sint et habeantur ob hoc, quod iidem in ipsa via Jadrensi procedere assuescant et exinde dictum regnum nostrum Hungariae rerum maritimarum copia abundet et exuberetur, excepta tamen sola una tricesima, quam a rebus dictorum mercatorum Budae commisimus solvendam mercatores per eosdem nostrae maiestati. Quapropter fidelitati vestrae universitatis firmissimo regio sub edicto mandamus, quatenus Nicolao Seidlini, Johanne dicto Toyhan necnon Laurencio similiter Seidlini civibus de civitate Brassouiensi et mercatoribus eorumque familiaribus ac ab ipsorum rebus et bonis mercimonialibus cuiusvis maneriei vel generis existant de Brassouia in dictam Jadram civitatem nostram et de Jadra in eandem Brassouiam praesentium testimonio deferendis necnon curribus et animalibus, super quibus et cum quibus ducuntur, ac eorum ductoribus nulluni tributum recipere et exigi facere praesumatis, sed eosdem simul cum dictis rebus et bonis suis omnibus ac curribus et animalibus tam in eundo quam in redeundo per loca vestra tributaria semper transire pacifice et libere et sine omni tributi receptione [S. 355] permittatis, secus sicut nostram maiestatem offendere et huiusmodi edicti ac institutionis nostrae maiestatis transgressores effici formidatis facere non ausuri. Datum in villa Seuniche Zolyensi, die crastino festi beati Petri ad vincula, anno domini M^mo CCC^mo LXX^mo.


1) Über der Zeile nachgetragen.^{^}