Urkunde Nr. 951 aus Band II

Seite im UB:

350-352 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

951

1370 Juli 2 Der Kolozsmonostorer Konvent schaltet die Urkunde des Vizewoiwoden Johann von 1370 Nr. »947 ein und berichtet dem Vizewoiwoden über die Eidablegung des Weissenburger Kapitels und über die Begehung der Grenzen des zur Besitzung Busd gehörigen Stück Landes.

Nobili viro et honesto Johanni vicevaivodae Transsilvano amico eorum honorando conventus monasterii beatae Mariae virginis de Clusmonustra sinceram amicitiam debito cum honore. Literas vestrae nobilitatis nobis directas noveritis nos recepisse in haec verba. (Folgt die Urkunde des Vizewoiwoden Johann von 1370 Nr. »947.) Nos igitur iustis et legitimis petitionibus vestris amicabilibus ac iustitiae annuentes cum praedicto Stephano filio Johannis homine vestro nostrum hominem videlicet fratrem Nicolaum presbyterum socium nostrum ad videndum praemissum iuramentum et audiendum transmisimus pro testimonio fide dignum. Qui demum ad nos reversi [S. 351] concorditer nobis retulerunt per nos requisiti, quod ipsi in praedictis quindenis dicti festi corporis Christi proxime nunc praeteriti¹⁾ ad faciem praefatae terrae litigiosae inter ipsam possessionem Buzd praedicti honorabilis capituli Transsilvani et Huzioteluk ipsius Alardi filii Walentini existentis, quae in toto ad quatuor aratra terrarum exstitisset aestimata, pariter accessissent, vicinisque et commetaneis eiusdem universis legitime inibi convocatis et eisdem praesentibus discreti viri dominus Johannes praepositus, magistri Ladislaus Voivoda de Doboka, Johannes de Kykulleu, Nicolaus de Zonuk, Johannes de Tylegd, Nicolaus de Ozd, Petrus de Clus, Symon de Karazna archidiaconi, Georgius plebanus de Karkou, Mychael et Nicolaus filii Nicolai filii Alberti ac Mychael filius Petri quondam vicevaivodae, canonici de eadem ecclesia Transsilvana ibidem duodenario numero personaliter astando, iuxta praedictarum literarum regalium modum ipsius iuramenti deponendi declarantium continentiam per eosdem dominos canonicos tunc in facie ipsius terrae litigiosae exhibitarum, non secundum regni consuetudinem, ut ceteri nobiles regni super terram iurare essent consueti, sed iuxta honoris clericalis condecentiam in vestibus eorum stando et solum manus ad pectus applicando super eo, quod eadem terra litigiosa ad ipsa quatuor aratra aestimata semper ab antiquo ad dictam possessionem eorum et ipsius ecclesiae Transsilvanae Buzd vocatam pertinuisset et deberet pertinere ac intra metas eiusdem possessionis eorum haberetur, prout per magnificum virum dominum Emericum vaivodam Transsilvanum ipsis exstitisset adiudicatum, iuxta seriem literarum suarum super ipsa adiudicatione sua iudiciaria pro ipsis dominis confectarum et similiter per eos ibidem exhibitarum eorum deposuissent iuramenta, ipsis videntibus et audientibus, ut debuissent, et ipsum iuramentum praedictus Alardus filius Walentini personaliter vidisset inibi astando et audivisset et in nullo contradixisset ipsis. Quo iuramento deposito praefati domini canonici vigore aliarum literarum regalium annualium ad omnes processsus causarum videlicet inquisitiones, citationes, propriarum possessionum reambulationes et metarum earundem erectiones ac ad alios legitimus Processus faciendos pro eisdem dominis concessarum et emanatarum eodem modo in superficie ipsius terrae productarum eandem terrae particulam ad praefatam possessionem ipsorum dominorum Buzd vocatam pertinentem per novarum metarum infra scriptarum erectiones a parte ipsius possessionis Huzioteluk vocatae hoc ordine distinxissent, quod prima meta inciperet a plaga meridionali in latere cuiusdam alti montis supra possessionem Rennenkyrh vocatam adiacentis, in vicinitate seu commetaneitate eiusdem possessionis iuxta duas metas, quarum una eidem possessioni Buzd et alia ipsi possessioni Rennynkyrh distingueret, unam metam novam, quae separat eandem possessionem Buzd ab ipsa possessione Huzyoteluk, erexissent et abinde descendendo tenderet infra usque ad decursum cuiusdam rivuli de valle ipsius possessionis Huzioteluk venientis, in cuius montis descensu ad ipsum rivulum septem metas consequentes ac octavam ultra ipsum rivulum secus eundem a plaga meridionali erexissent, inde versus eandem plagam ascen- [S. 352] dendo transit ad terras arabiles, ubi in latere cuiusdam monticuli iterum unam metam novam, de qua ascendit sursum ad supercilium ipsius monticuli, et ibi similiter aliam metam, et ab eadem in planitie eiusdem monticuli semper ad partem meridionalem directe pergendo per quatuor metas terreas consequenter de novo elevatas veniret ad quandam arborem ilicis, sub qua aliam metam terream erexissent, exinde ad partem dexteram declinando ad gremium cuiusdam silvae pro eadem possessione Huzioteluk remanentis¹⁾ perveniret, ubi in infima parte eiusdem rursus unam metam terream, de qua girando paululum similiter ad partem meridiei iret ad latus cuiusdam montis ad unam metam antiquam in berch ipsius montis existentem, penes quam aliam metam terream, inde super eodem berch ulterius transeundo ad eandem plagam meridionalem in ascensu eiusdem iterum unam metam terream, et abinde in eodem berch altius ascendendo pergeret ad duas metas antiquas, quarum una eidem possessioni Buzd [et alia ipsi pos]sessioni Huzio[teluk remane]ret, iuxta quas tertiam metam novam erexissent, et ibi metae eiusdem possessionis Buzd vocatae ac ipsius terrae ad eandem pertinentis per ipsos dominos canonicos sicut praefertur rectificatae, et reobtentae a parte dictae possessionis Huzioteluk vocatae terminarentur, prout haec omnia praemissa et singula praemiss[orum ]tando²⁾recitarunt et narrarunt consequenter coram nobis. Datum sexto die quindenarum praedictarum, anno domini M^o. CCC^mo, LXX^mo, ut supra.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 351, 1-2 auf S. 352 (3 zu nachfolgender Urkunde).^{^}
[S. 351]
1) Juni 27.^{^}
[S. 352]
1) Vorlage: remanente.^{^}
2) Lücke, 4 Centimeter breit.^{^}