Urkunde Nr. 942 aus Band II

Seite im UB:

342-343 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

942

Thorenburg 1370 April 4 König Ludwig I. bezeugt den Verlauf der Begehung der Hattertgrenzen von Klausenburg und Röd.

Nos Lodouicus dei gratia rex Hungariae memoriae commendamus tenore praesentium significantes universis, quod cum altercantibus in nostri praesentia fidelibus nostris iudice, iuratis et universis civitatis nostrae Clusuar civibus ab una, parte vero ab alia universitate nobilium de villa Reud, qui in invicem occasione quarundam metarum et terrae contendebant, fideles nostros hommes dominum Benedictum archidiaeonum de Pankata in ecclesia Agriensi, Symonem curiae nostrae notarium pro eorundem civitatensium parte, item Johannem nobilem de Tur proximum dictorum nobilium de Reud pro eorundem parte transmiserimus pro illarum metarum rectificatione, iidem nostri hommes ad nos redeuntes nobis retulerunt pari voce in praesentia partium earundem, quod ipsi feria tertia proxima post dominicam Judica¹⁾ ad terram inter praenominatas partes litigiosam accedentes partes ipsas ibi univissent et per omnia reformassent terram eandem litigiosam inter eas metaliter dividendo tali modo, quod primo et principaliter venientes ad locum illum, ubi metae ipsius civitatis nostrae terminabantur cum terra [S. 343] villae Banabyke vocatae, eo quod ibidem et dicti nobiles de Reud vicinari dicebantur duas metas terreas penes primam metam erexissent, deinde supra planum monticulum berch vulgo dictum quasi ad orientem paululum progredientes similiter duas metas terreas apposuissent, item ulterius procedentes sub una arbore quercina iterum duas metas erexissent, et simili modo per amplius directe transeuntes duas metas erexissent, deinde ad veram orientis plagam se divertendo iterum duas metas apposuissent, et tandem versus illam orientis plagam semper tendendo per erectiones binarum ubique metarum bene in sex locis factas scandendo unam parvulam paludem et ibidem transeundo unam magnam viam, quae de dicta civitate nostra Clusuar per illam villam Reud dictorum nobilium ad Tordam tendit, pervenissent ad locum, ubi ipsa civitas nostra cum nobilibus de villa Georgii metas suas prius terminaverat, et ibi eo quod illi nobiles de Reud tam civitati nostrae quam etiam nobilibus de villa Georgii praefatis vicinari dicebantur unam et finalem metam penes priores duas metas erexissent et sic ipsos metarum cursus et erectiones necnon terrae divisionem terminassent. De quibus omnibus sicut dicti¹⁾ civitatenses nostri sic et praenominati nobiles de Reud plenaliter²⁾ et oretenus se contentos affirmarunt in praesentia nostrae maiestatis hoc etiam adiecto, quod quia inter quartam et quintam metas a principio numerando per eosdem homines nostros inveniebantur versus meridiem duo loca erectionis quasi antiquarum metarum, igitur eaedem partes inter sese aboleri et nullius profectus nec nociturnitatis fore debere commiserunt loca ipsarum antiquarum metarum praenotata. In quorum omnium testimonium praesentes literas nostras eisdem ambabus partibus concessimus sub nostri secreti anulari designatione, quas sub nostro maiori sigillo in formam nostri privilegii redigi mandamus, dum fuerint in nostram cancellariam apportatae. Datum in Torda, feria quinta proxima post eandem dominicam Judica, anno domini millesimo CCC^mo septuagesimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 342, 1-2 auf S. 343.^{^}
[S. 342]
1) April 2.^{^}
[S. 343]
1) Vorlage: dicti.^{^}
2) So Vorlage.^{^}