Urkunde Nr. 921 aus Band II

Seite im UB:

318-319 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

921

1368 Oktober 1 Das Weissenburger Kapitel bezeugt, dass Comes Nikolaus, Sohn Martins von Burgberg, und Genossen gegenüber der Gemeinde Schaal Einsprache erhoben haben, betreffend die Nichteinhaltung eingegangener Verpflichtungen seitens der Schaaler.

Nos capitulum ecclesiae Transiluanae significamus tenore praesentium quibus expedit universis, quod comites Nicolaus niger filius Martini, Andreas filius Nicolai, Nicolaus filius Cristiani et Mychael filius Mychaelis de Heuholm ad nostram accedentes praesentiam nobis per modum protestationis significare curarunt, quod quaedam villa Sauli vocata in sede Selk existens fuisset possessio ipsorum et praedecessorum eorundem, quam propter potentiam et contumaciam populorum de eadem villa Sauli uti et frui non possent nec valerent, nunc autem mediantibus probis viris videlicet Andrea filio Petri, Andrea filio Johannis de Prethya, Petro filio Stephani de Eccel, Petro filio Petri de eadem et Nicolao filio Jacobi de Medyes per modum pacis inter se taliter ordinassent, quod iidem populi seu hospites de praedicta villa Sauli praetactis comitibus Nicolao filio Martini, Andreae filio Nicolai, Nicolao filio Cristiani et Mychaeli filio Mychaelis aliam possessionem favore, consilio et auxilio seniorum de dicta sede Selk a domino rege postulare et obtinere ac pro expensis praedictorum nobilium, quas ipsi in facto praedictae possessionis Sauli fecissent, tertio die festi beati Mychaelis archangeli²⁾ quadringentos florenos solvere et dare assumpsissent, ex quibus sexaginta florenos eisdem persolvissent, qui quidem hospites seu populi ipsam ordinationem inter se factam non servassent nec residuam quantitatem praedictae pecuniae eisdem solvere curassent, super quo literas nostras protes- [S. 319] tatorias petierunt emanari, quas nos eisdem concessimus communi iustitia suadente. Datum die dominico proximo post festum beati Mychaelis archangeli, anno domini M^o. CCC^o. LX^mo octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 318 (1 zu voranstehender Urkunde).^{^}

2) Oktober 1.^{^}